تايلاندتا يېقىندىن بۇيان بىر خىل قونچاق مودا بولغان بولۇپ، ئىگىلىنىشىچە، قونچاق يىغسا ئىگىسىگە بايلىق ئاتا قىلدىكەن. لېكىن ساقچىلار بەزى كىشىلەرنىڭ كېلىش مەنبەسى ئېنىق بولمىغان جەسەت كۈللىرىنى قونچاقنىڭ ئىچىگە قاچىلىغانلىقىنى بايقىغان. ئۇلارنىڭ ئېيتىشىچە، بۇ جەسەت كۈللىرى ئۇلارغا تېخىمۇ كۆپ تەلەي ۋە بايلىق ئاتا قىلىدىكەن. بۇ جەسەت كۈلى قاچىلانغان قونچاقلارنىڭ زاكاسى كۆپىنچە جۇڭگو چوڭ قۇرۇقلۇقى ۋە تەيۋەن رايونىدىن كەلگەن. باھاسى ئۈچ مىڭدىن 100 مىڭ تايلاند باتىغىچە بولۇپ، ئوخشاش ئەمەسكەن. تايلاند خەلقنىڭ ئارىسىدا تارقىلىپ يۈرگەن سەپسەتە تېز سۈرئەتتە بېيىشقا تەييارلانغان جۇڭگولۇقلارنىڭ بۇ خىل قونچاقلارغا بولغان ئېھتىياجىنى ئاشۇرۋەتكەن. « ئەرۋاھ»نى ئېلىپ ۋەتەنگە قايتىش بىر خىل مودىغا ئايلىنىپ قالغان بولۇپ، تايلاند ساقچى تەرەپ بۇ ئىشنى تەكشۈرۈشنى باشلىغان.

تايلاند ھۆكۈمىتى كۆپچىلىكنىڭ قونچاق سېتىۋېلىش ئۈچۈن ئالدىنىپ كېتىش ياكى يامان نىيەتلىك كىشىلەر تەرىپىدىن پايدىلىنىپ كېتىشتىن، زەھەرنىڭ توشۇلۇشىغا ياردەم قىلىدىغان جىنايەت قورالىغا ئايلىنىپ قېلىشتىن ساقلىنىشقا مۇراجىئەت قىلغان.