ئۇزۇن ۋاقىتتىن بۇيان، ئالىملار بىر ئادەمنىڭ ئوڭ قول ياكى سول قولنى ئىشلىتىش ئادىتى ئىرسىيەتلىك بولىدۇ دەپ قاراپ كەلگەن. ئەمما قايسى گېننىڭ بېكىتىش خاراكتېرلىك رول ئوينايدىغانلىقى تېخى يېقىندا بايقالغان. بىر تۈرلۈك يېڭى تەتقىقات ئوكسفورد ئۇنىۋېرسىتېتى، سكوتلاند ئۇنىۋېرسىتېتى ۋە گوللاندىيەدىكى بىر تەتقىقات ئورگىنى تەتقىقات نەتىنجىسىنى ئومۇملاشتۇرۇپ، ئوڭ قول ۋە سول قولنى ئىشلىتىشتە رول ئوينايدىغان گېن قان تومۇرلىرىنى ئېنىقلاپ چىققان، تەتقىقاتچىلەرنىڭ بايقىشىچە، گېن قان تومۇرلىرى مىڭە قىسمىدا سول قول ۋە ئوڭ قولغا ئالاقىدار پەرقنى شەكىللەندۈرىدىكەن، ئاندىن يەنە شەكىللەنگەن پەرقلەر بىخلىنىش جەريانىدا ئادەم ئىشلىتىشنى ياخشى كۆرىدىغان قولغا تەسىر كۆرسىتىدىكەن.

ئوكېسفورد ئۇنىۋېرسىتېتىدىكى ۋىليام براندلېر:«گېن دەسلەپكى مەزگىلدىكى بىخلىنىش ئارقىلىق بىئولوگىيىلىك جەريانغا قاتنىشىدۇ، ئۇ شار شەكىللىك ھۈجەيرىدىن تەرەققىي قىلىپ، ئوڭ ياكى سول تەرەپ ئىكەنلىكى بېكىتىلىپ بولغان ئورگانزمغا ئۆزگىرىدۇ» دىگەن.

تەتقىقات ئەترىتى پۈتكۈل گېن گۇرۇپپىسىغا ئالاقىدار تەتقىقاتنى ئېلىپ بېرىش ئارقىلىق، ھەر قانداق بىر ئادەتتىكى گېن ئۆزگىرىشىنىڭ ھەممىسىلا ئىنسانلار ئىشلىتىشنى ياخشى كۆرىدىغان قولى بىلەن ماس مۇناسىۋەتتە بولۇشى مۇمكىن دەپ بېكىتكەن.

براندىلېر يەنە بۇنىڭغا قارىتا ئەسكەرتىش بېرىپ:« ئىنسانلارنىڭ ئوڭ ياكى سول قولىنى ئىشلىتىش ئادىگە نىسبەتەن گېننىڭ رولى بار، ئەمما ئۇ بىردىنبىر ئامىل ئەمەس. خۇددى ئىنسانلار پائالىيىتىنىڭ باشقا تەرەپلىرىگە ئوخشاشلا، تۇغۇلما ۋە كېيىن شەكىللەنگەن ئامىللارنىڭ ھەممىسى ئوخشاشلا تەسىر كۆرسىتىدۇ، قول ئىشلىتىش ئادىتىنىڭ تەرەققىي قىلىپ شەكىللىنىشىنى گېن، مۇھىت، ئوڭ قول ئىشلىتىش قائىدە-يوسۇنىغا ئەمەل قىلىش قاتارلىقلانىڭ ئورتاق تەسىر كۆرسىتىشى بىلەن بولغان دىيىشكە بولىدۇ».