گۇئادىئولانىڭ نىشانى مانچېستىر بىرلەشمىسى ۋە برازىلىيەنى يىتەكلەپ 2022-يىللىق دۇنيا لوڭقىسىغا قاتنىشىش

       ياۋروپادىكى ھەرقايسى چوڭ تاراتقۇلارنىڭ خەۋىرىگە ئاساسلانغاندا، بايرېن مىيۇنخېن ترېنېرى گۇئادىئولا كوماندا بىلەن توختام ئۇزارتمايدىغان بولۇپ، مۇشۇ پەسىل ئاخىرلاشقاندىن كېيىن گېرمانىيە زەردارىدىن ئايرىلىدىكەن. گۇئادىئولا كېيىنكى قەدەمدە بەلكىم ئارام ئېلىشنى تاللىشى ياكى مانچېستىر شەھىرى، مانچېستىر بىرلەشمىسى ۋە چېلسى قاتارلىقلارنى ئۆز ئىچىگە ئالغان ئېنگىلاند كۇلۇبىغا بېرىشى مۇمكىن. BBC نىڭ ئىسپانىيەلىك پۇتبول مۇتەخەسىسى گراھام ھېنرىنىڭ ئاشكارلىشىچە، گۇئادىئولانىڭ ئەڭ يىتەكلەشنى ئويلايدىغىنى مانچېستىر بىرلەشمىسى، يىراق نىشانى برازىلىيە دۆلەت كوماندىسىنى يىتەكلەپ 2022-يىللىق دۇنيا لوڭقىسى مۇسابىقىسىگە قاتنىشىش.

گراھام ھېنرى ئاشكارلاپ:«ناۋادا گۇئادىئولاغا تاللىغۇزساق، ئۇ مانچېستىر بىرلەشمىسىنى ئۆزىنىڭ كېيىنكى نىشانى قىلىدۇ. گۇئادىئولا كونا تىرافولىدنىڭ ئەسەبىي كەيپىياتىدىن ئىنتايىن ھۇزۇرلىنىدۇ، توپچىلىق مەزگىلىدە مانچېستىر بىرلەشمىسىگە يۆتكىلىش پۇرسىتىدىن قۇرۇق قالغان، بۈگۈنكى كۈندە گۇئادىئولا ئارزۇسىغا يىتىشنى ئۈمىد قىلىدۇ.» دېدى.

        ئەڭ ئاخىرىدا ھېنرى گۇئادىئولانىڭ يىراق نىشانى بولسا 2022-يىللىق دۇنيا لوڭقىسى مۇسابىقىسى مەزگىلىدە برازىلىيەنى يىتەكلەش دەپ ئاشكارلىدى.

      2013-يىلى بايرېن مىيۇنخېننى يىتەكلىگەندىن كېيىن، گۇئادىئولا ئىلگىرىكى ئىككى پەسىلدە گېرمانىيە بىرلەشمىسى چېمپىيونلۇقىغا ئېرىشكەن، ئەمما گېرمانىيە بىرلەشمىسىدە «چېمپىيونلۇق لوڭقىسىنى مونوپول قىلىۋالغان» بايرېن مىيۇنخېنغا نىسبەتەن ئېيىتقاندا، ياۋروپا ئۇزغۇنلۇق مۇسابىقىسى بولسا ھەقىقى جەڭ مەيدانى، لىكىن گۇئادىئولا بايرېندىكى ئالدىنقى ئىككى پەسىلدە ياۋروپا ئۇزغۇنلۇق مۇسابىقىسى مەيدانىدا مەغلۇبىيەتكە ئۇچرىدى. 2013-2014 پەسىل مادرىدنىڭ مەغلۇپ قىلىشىغا ئۇچرىدى، ئىككى ئايلانمىدا 0-5 نەتىجىدە شاللاندى. 2014-2015 پەسىل ياۋروپا ئۇزغۇنلۇق يېرىم ھەل قىلغۇچ مۇسابىقىدە، بايرېن نوكەمپۇدا بارسېلوناغا 3-0 نەتىجىدە مەغلۇپ بولدى، گەرچە ئىككىنچى ئايلانمىدا 3-2 نەتىجىدە غەلبە قىلغان بولسىمۇ، ئەمما ھېچقانداق ئەمەلىي خاراكتىرلىك رولى بولمىدى. بىراق بۇ پەسىل بايرېننىڭ ياۋروپا ئۇزغۇنلۇق مۇسابىقىسىدە ياخشى نەتىجە يارىتىش پۇرسىتى ناھايىتى چوڭ، چۈنكى ئېنگىلاند بىرلەشمىسىدىكى بىر قانچە كۈچلۈك كۇلۇب ۋە مادرىد ئوڭۇشسىزلىققا ئۇچرىدى، نۆۋەتتىكى ئەھۋالدىن قارىغاندا، بايرېننىڭ چېمپىيونلۇق تالىشىش رەقىبى يەنىلا بارسېلونا بولىشى مۇمكىن.