شىنجاڭ سانجى ئوبلاستى مورى ناھىيەلىك ئوت ئۆچۈرۈش ئوتتۇرا ئەترىتى 14-ئۆكتەبىر سائەت 12:15 دە تاپشۇرۇۋالغان مەلۇماتتا ئېيتىلىشىچە ، ئۆلكە يولى 303-لىنىيە مورى ناھىيە شىتۇ يېزىسى يول بۆلىكى ئېغىزىدا ئىككى باكلىق ئاپتوموبىل ئۆزئارا سوقۇلۇپ كېتىپ ، ناھايىتى خەتەرلىك ئەھۋال كېلىپ چىققان . ئوتتۇرا ئەترەت مەلۇماتنى تاپشۇرۇۋالغاندىن كېيىن دەرھال ئىككى ئوت ئۆچۈرۈش ئاپتوموبىلى ۋە سەككىز نەپەر خادىمنى نەق مەيدانغا ئەۋەتكەن .

نەق مەيداندىن ئىگىلىنىشىچە ، 18 توننا دېزىل ئېلىپ ماڭغان ئاپتوموبىل بىلەن 35 توننا مېتىل ئىسپىرتى ئېلىپ ماڭغان ئاپتوموبىل ئۆز ئارا سوقۇلۇپ كېتىپ ، ئىككى ئاپتوموبىلنىڭ موتور قىسمى ئېغىر دەرىجىدە بۇزۇلغان ، شوپۇرلار يارىلانغانلىقتىن دوختۇرخانىغا ئېلىپ بېرىلغان ، كۆپ مىقداردىكى دېزىل ئېقىپ كەتكەن .

سانجى ئوبلاستلىق ئوت ئۆچۈرۈش ئەترىتى مورى ئوتتۇرا ئەترىتى سائەت 17:00 دە نەق مەيداننى ئوڭۇشلۇق بىر تەرەپ قىلىپ بولغان .

تونۇشتۇرۇلۇشىچە ، مېتىل ئىسپىرتى قاچىلانغان ئاپتوموبىل بارىكۆلدىن مورىغا قاراپ كېتىۋاتقان بولۇپ ، ئاپتوموبىل يانداش جەريانىدا بۇ ئاپتوموبىل بىلەن سوقۇلۇپ كەتكەن . ۋەقە يۈز بەرگەندىن كېيىن ئىككى شوپۇر بىر-بىرىنى تارتىپ چىقىرىپ بىخەتەر جايغا بېرىۋېلىپ ساقچىغا مەلۇم قىلغان .

ئىگىلىنىشىچە ، بۇ قېتىمقى ۋەقەدە تەخمىنەن ئۈچ توننا دېزىل ئېقىپ كەتكەن ، بىر شوپۇر يارىلانغان ، ۋەقە يۈز بېرىپ تەخمىنەن ئالتە سائەتكىچە يوللار ئېتىلىپ قېلىپ ، ئاپتوموبىللار تەخمىنەن تۆت كىلومېتىر ئۇزۇنلۇقتا ئۆچىرەتتە تۇرۇپ قالغان .