مالايسىيا ھۆكۈمىتى بۈگۈن ئاخبارات ئېلان قىلىش يىغىنى ئاچتى، ھەمدە : ‹18-چىسىلادىن باشلاپلا كۆپ دۆلەت بىرلىكتە ھەمكارلىشىپ ئىزدەش خىزمىتىنى يەنىمۇ كېڭەيتكەن ئىدى، ھازىر ھەرقايسى دۆلەت كۈچلىرىدىن تەشكىللەنگەن بۇ ئىزدەش پائالىتى يەنە داۋاملىشىۋاتىدۇ، ئۇلار ئوڭۇشلۇق ھالدا ئىزدەش دائىرسىنى كېڭەيتتى ›دېدى. بۇنىڭدىن سىرىت مالايسىيا ئەنگىلىيە تەمىنلىگەن تەكشۈرۈش دوكىلاتىنى ئاشكارلىدى.

جۇڭشىن تورىنىڭ 3-اينىڭ 21-كۈنىدىكى خەۋىرىدىن قارىغاندا، سىنگاپور ‹بىرلەشمە سەھەر گېزىتى› 30-چىسىلادا يازغان ماقالىسىدە، مالايسىيا قاتناش مىنىستىرلىكىنىڭ ۋەكىلى سۆز قىلىپ، مالايسىيا ھۆكۈمىتى پات ئارىدا، يوقاپ كەتكەن يۇلۇچىلار ئايروپىلانى توغرىسىدا خەلقئارالىق ئىسپات ئاڭلاش يىغىنى ئاچىدۇ ۋە ياكى خان جەمەتى دائىمىي كومىتىت يىغىنى ئاچىدۇ دېگەنلىكىنى يازغان.

مالايسىيا ھۆكۈمىتى ئالدىراڭغۇلۇق بىلەن چىقارغان يەكۈنى سەۋەبلىك ئۇچۇق ئاشكارە كەچۈرۈم سورايدىكەن. مالايسىيا خان جەمەتى ھاۋا ئارمىيسى ئىسپات ئاڭلاش يىغىنى ئېچىپ، قاتناش مىنىستىرلىكىمۇ، خەلىقئارادىكى تەسىر كۈچكە ئىگە ئاخبارات تەكشۈرۈش گۇرۇپىللىرىنى تەكلىپ قىلىپ ئەكىلىدىكەن، پەقەت مۇشۇ ئىسپات ئاڭلاش يىغىنىدىن كېيىن، بىر ئېنىق يەكۈن چىقىرىلسا، مالايسىيانىڭ كەچۈرۈم سورايدىغان ياكى سورىمايدىغانلىقى ئېنىق بۇلىدىكەن.

مالايسىيانىڭ يوقاپ كەتكەنMH370 يۇلۇچىلار نۆۋەتچى ئايروپىلانىغا چىققان يۇلۇچىلارنىڭ ئائىلە تاۋاباتى، يېقىندا يەتتە تۈرلۈك تەلىپىنى ئوتتۇرىغا قويغان بۇلۇپ، بۇنىڭ ئىچىدىكى بىرسى دەل مالايسىيا ھۆكۈمىتىنىڭ ئۇچۇق-ئاشكارا كەچۈرۈم سورىشىنى تەلەپ قىلغان، بۇ توغرىسىدا مالايسىيا قاتناش مىنىستىرلىكىنىڭ مەسئۇلى تەكىتلەپ، مالايسىيا ھۆكۈمىتى ھەرگىزمۇ مەغرۇرلىنىپ، ئەسلىنى ئۇنتۇيدىغان دۆلەت ئەمەس، ئەگەر تەكشۈرۈش نەتىجىسى، بىزنىڭ يەكۈنىمىزنىڭ خاتالىقىنى ئىسپاتلىسىا، مالايسىيا شۇ ۋاقىتتا چۇقۇم كەچۈرۈم سورايدۇ، بەزى ئائىلە تاۋاباتلىرى نۇرغۇن تەلەپلەرنى ئوتتۇرىغا قويدى، بىراق بۇ بىر نەچچىسى پۈتۈن ئائىلە تاۋاباتلىرىغا ۋەكىللىك قىلالمايدۇ دېدى.

دېگەندەك، تۈنۈگۈن قاتناش مىنىستىرلىكىنىڭ مىنىستىرى ئائىلە تاۋاباتلىر تۇرغان مېھمانخانىغا بېرىپ، ھال سورىغاندا ئۇلار ناھايتى تەمكىن ۋە سوغۇققان بولغان، ھەرگىزمۇ قالايمىقان تەلەپلەرنى ئوتتۇرىغا قويمىغان.

مالايسىيا قاتناش مىنىستىرلىكىنىڭ مەسئۇلى يەنە، پەقەت يوقاپ كەتكەن يۇلۇچىلار ئايروپىلانىنىڭ قالدۇقى ياكى قارا قۇتىسى تېپىلسىلا، مالايسىيا ھۆكۈمىتى شۇ ھامان ئىسپات ئاڭلاش يىغىنى ئېچىپ، ھەممە تەكشۈرۈش خىزمىتىنى ھازىرلايدىغانلىقىنى، ۋە كەچۈرۈم سورايدىغانلىقىنى، بۇنىڭ ئالدىنقى شەرتى چۇقۇم ئاۋال ئايروپىلانغا مۇناسىۋەتلىك قالدۇق پارچىنىڭ تېپىلىشى ئىكەنلىكىنى ئېيتتى.

 تەھرىر: ئوسمان

لەگلەك تورى ئۈندىدار سالونىنى قوشىۋېلىڭ——ئىزدەش نامى LEGLEK