1-يىلى خۇبېي ئۆلكىسىنىڭ جوڭشياڭ دېگەن جايدىكى مىڭ سۇلالىسى پادىشاھى لياڭ جۇاڭنىڭ قەبرىسىدىن تېپىلغان قاشتېشى، خۇبېي ئۆلكىلىك مۇزېي قۇرۇلغان دەسلەپكى مەزگىلدە گۇگۇڭ سارىيىدىن يۆتكەپ كېلىنگەن چىڭ سۇلالىسى ئوردا قاشتېشى ۋە ئەلئىچىدە ساقلىنىپ كەلگەن بىر قىسىم قىممەتلىك قاشتېشى بۇيۇملىرى 18-ئاپرېل شىنجاڭ ئۇيغۇر ئاپتونوم رايونلۇق مۇزېيدا كۆرگەزمە قىلىنىدۇ.
ئاپتونوم رايونلۇق مۇزېي مەسئۇل خادىمىنىڭ بىلدۈرۈشىچە، جۇڭگو قاشتاشلىرىنىڭ كۆرۈنۈشى چىرايلىق بولۇپ، قاشتېشى 7000 مىڭ يىل بۇرۇنلا قەدىمكى كىشىلەرنىڭ تۇرمۇشىغا كىرگەن. بۇ 7000 يىللىق ئۇزاق تارىخ جەريانىدا مەيلى يېڭى تاش قوراللىرى دەۋرىدىكى ساپاللار، تاش بۇيۇملار ياكى شاڭ جو سۇلالىسى دەۋرىدىكى مىس قوراللار، ۋېي، جىن سۇلالىسى دەۋرىدىن كېيىنكى ساپال بۇيۇملار بولسۇن، ھەممىسى ئاستا- ئاستا تارىخ سەھنىسىدىن چۈشۈپ قالغان. لېكىن قاشتېشى بۇيۇملىرى ئىزچىل ھالدا جۇلالىنىپ، ھاياتىي كۈچى بارغانسېرى ئاشماقتا.
مۇخبىرنىڭ ئىگىلىشىچە، بۇ،ئاپتونوم رايونلۇق مۇزېينىڭ تۇنجى قېتىم سىرتتىن كىرگۈزگەن قەدىمكى دەۋردىكى قاشتېشى بۇيۇملىرىنى ئاساسىي تېما قىلىپ ئۆتكۈزگەن ۋاقىتلىق كۆرگەزمىسى بولۇپ، كۆرگەزمە قاشتېشىنى ئىشلىتىلىش قائىدە-يوسۇنى، يېزىقچىلىقتا ئىشلىتىلىشى، بېزەكچىلىكتە ئىشلىتىلىشى، كىيىم-كېچەككە ماسلاشتۇرۇلىشى بويىچەتۆت تۈرگە ئايرىلغان. تۈرىنىڭ كۆپ خىل بولۇشى ۋە نەپىسلىكى بىلەن جۇڭگونىڭ قەدىمكى قاشتېشى تەرەققىياتىنىڭ يۇقىرى پەللىگە يەتكەنلىكىنى كۆرسىتىپ بېرىپ، ئوخشىمىغان نۇقتىدىن مىڭ، چىڭ سۇلالىسى دەۋرىدىكى قاشتېشى مەدەنىيىتىنىڭ تەسىرى ۋە دەۋر ئالاھىدىلىكىنى ئەكس ئەتتۈرۈپ بەرگەن.
مەسئۇل خادىمنىڭ تونۇشتۇرۇشىچە، مىڭ، چىڭ سۇلالىسى دەۋرىدە، قاشتېشى خەلق ئارىسىدا تارقالغان .بۇ قېتىمقى كۆرگەزمىدىكى قاشتېشى بۇيۇملىرى يۇقىرى بەدىئىي قىممەتكە ئىگە بولۇپ، كۆرۈرمەنلەرنى يىراق قەدىمدىكى مىڭ، چىڭ سۇلالىسىدىكى قاشتېشى ئۇستىلىرىنىڭ ئېسىل تېخنىكا ماھارىتىنى ھېس قىلدۇرۇش پۇرسىتى بىلەن تەمىنلەيدىكەن.
ئالتاي يولىدا قۇرۇلۇش قىلىنىۋاتقاچقا، ئامما ئاممىۋى ئاپتوبۇسقا ئولتۇرۇپ دوستلۇق بېكىتىدە چۈشۈپ قېلىپ، مېيمېي دوستلۇق مال سېتىۋېلىش مەركىزىدىن كېسىپ ئۆتسە، ئاندىن ئاپتونوم رايونلۇق مۇزېيغا بارالايدۇ.
ئىگىلىنىشىچە، بۇ قېتىمقى كۆرگەزمىنى ئاپتونوم رايونلۇق مۇزېي ۋە خۇبېي ئۆلكىلىك مۇزېي بىرلىشىپ ئۇيۇشتۇرغان بولۇپ، ئىيۇلغىچە داۋاملىشىدىكەن، بۇ جەرياندا كۆرگەزمە شەھەر ئاھالىلىرىگە ھەقسىز ئېچىۋېتىلىدىكەن.