رېيتېر ئاگېنتلىقى 14-مارت خەۋىرى؛ لەگلەك تورى تەرجىمىسى: تېخنىكا تۆگىسى بولغان «ئالما» شىركىتىنىڭ يۇقىرى دەرىجىلىك ئەمەلدارى تىم كۇكنىڭ ، 2011-يىلى شىركەتنىڭ ھاياتىدىن ئايرىلغان قۇرغۇچىسى ستېۋ جوبىسقا جىگىرىدىن بىر قىسىمنى بەرمەكچى بولغانلىقى ئاشكارىلاندى.
بۇ يىل بازارغا سېلىنغان "Becoming Steve Jobs (سىتېۋ جوبىس بولۇش)” ناملىق كىتابتىن ئۈزۈندىلەر ئىنتېرنىتتا كەڭ تارقالدى. ئالما شىركىتىنىڭ قانداق قىلىپ دۇنيانىڭ ئەڭ كۈچلۈك پەن-تېخنىكا شىركەتلىرىدىن بىرى بولغانلىقى تەسۋىرلەنگەن كىتابتا، ئالما شىركىتىنىڭ ھازىرقى ئىجرائىيە باش ئەمەلدارى تىم كۇكنىڭ، 2004-يىلىدىن باشلاپ كىسەللىك ئالامىتى كۆرۈلگەن دوستى سىتېۋ جوبىسقا جىگىرىنىڭ بىر قىسىمىنى بېرىشنى تەكلىپ قىلغانلىقى، دوستى جوبىسنىڭ بولسا كۇكنىڭ بۇ تەكلىپىنى رەت قىلغانلىقى ئېيتىلغان.
كىتابتا جوبىسنىڭ 2009-يىلىدا جىگەر ئالماشتۇرۇش ئوپراتسىيەسىنى كۈتىۋاتقان مەزگىلدە، كۇكنىڭ خۇجايىنى ۋە دوستى جوبىسنى ئۆيىدە دائىم زىيارەت قىلغانلىقى ۋە ئەزا ئالماشتۇرۇش جەريانىدا كىرەكلىك ئىشلارنى بىجىرگەنلىكى بىلدۈرۈلدى.
جوبىسنىڭ ، كۇكنىڭ تەكلىپىنى رەت قىلغاندا، كۇكنىڭ سۆز قىلىشىغىمۇ رۇخسەت قىلماستىن، «بۇنداق قىلىشىڭغا ئەسلا رۇخسەت قىلمايمەن» دېگەن.
ستېۋ جوبىس ، 2011-يىلى ئاۋغۇست ئېيىدا ئالما شىركىتىنىڭ يۇقىرى دەرىجىلىك باشقۇرغۇچىلىقىدىن ئىستىپا بەرگەن ئىدى، شۇ يىلى 6-ئۆكتەبىردە ئۇزۇن ۋاقىتتىن بۇيان كۈرەش قىلىۋاتقان كېسىلى سەۋەبلىك ھاياتىدىن ئايرىلغان.