چىشىڭىز سېرىق بولسا ‹‹ئورگانىك سىلىتسىيلىق›› چىش پاستىسىنى تاللاڭ. چىشنى ئاقارتىدىغان چىش پاستىلىرىنىڭ تەركىبىدە ئاز مىقداردا چىرىتكۈچ بولۇپ، چىشنى پارقىرىتىپ، چىش دېغى ھاسىل بولۇشنىڭ ئالدىنى ئالسىمۇ، بىراق سارغىيىپ كەتكەن چىشلارغا نىسبەتەن ئانچە ئۈنۈمى بولمايدۇ. سارغىيىپ كەتكەن چىشنى ئاقارتىش ئۈچۈن تەركىبىدە ئورگانىك سىلىتسىي(硅机有) بولغان چىش پاستىسىنى تاللاش كېرەك. سىلىتسىي چىشنى ئاقارتقاندىن باشقا، چىشنىڭ ئۇپرىشىنى ئەڭ تۆۋەن چەككە چۈشۈرىدۇ.

چىشنى قۇرت يېيىشنىڭ ئالدىنى ئېلىشتا، فىتورلۇق چىش پاستىسىنى تاللاڭ. چىشتىكى باكتېرىيەلەر قەنت قاتارلىق يېمەكلىكلەر بىلەن بىرىكىپ ھاسىل قىلغان كىسلاتا چىشنىڭ ئېمال ماددىسىنى چىرىتىپ، چىشنى قۇرۇت يەيدۇ. بۇنىڭ ئالدىنى ئېلىشتا، تەركىبىدە مىنېرال فىتور(氟物矿) بولغان چىش پاستىسىنى تاللاش كېرەك. بۇنداق چىش پاستىسى چىشنىڭ سىرتقى يۈزىدە قوغداش پەردىسى ھاسىل قىلىپ، كىسلاتانىڭ چىرىتىشىدىن ساقلايدۇ.

چىشىڭىز زىيادە سەزگۈر بولسا ‹‹سىترونسىي خىلورىد›› لىق ياكى ‹‹كالىي نىترات›› لىق چىش پاستىسىنى تاللاڭ. چىش چوتكىلىغاندا بەك كۈچىۋەتكەندە، چىش زىيادە سەزگۈرلىشىپ كېتىش ياكى چىش يىلتىزى كۆرۈنۈپ قېلىشنى كەلتۈرۈپ چىقىرىدۇ. بۇ خىل ئەھۋالدا تەركىبىدە سېزىمچانلىقنى يوقىتىدىغان ‹‹سىترونسىي خىخلورىد›› (锶化氯) لىق ياكى ‹‹كالىي نىترات››(钾酸硝) لىق چىش پاستىسىنى ئىشلەتكەندە، چىشنىڭ زىيادە سەزگۈرلىشىپ كېتىشىدىن كېلىپ چىققان ئاغرىقنى پەسەيتىدۇ.

چىش دېغىنىڭ ئالدىنى ئېلىشتا ‹‹پىروفوسفات›› لىق ياكى ‹‹سىنك سىترات›› لىق چىش پاستىسىنى تاللاڭ. چىشتىكى باكتېرىيە داغلىرى قاتتىقلاشقاندىن كېيىن چىش تېشى ياكى چىش دېغىنى شەكىللەندۈرىدۇ. چىشتا داغ شەكىللەنسە، چوتكىلاپ چىقىرىۋېتىش تەسكە توختايدىغان بولغاچقا، چىش دوختۇرىغا كۆرۈنمەكتىن باشقا ئامال يوق. شۇڭا، چىش دېغىنىڭ ئالدىنى ئېلىش ئىنتايىن مۇھىم. چىش دېغىنىڭ ئالدىنى ئېلىشتا ‹‹پىروفوسفات››(盐酸磷焦) لىق ياكى ‹‹سىنىك سىترات›› (锌酸檬柠) لىق چىش پاستىسىنى تاللاش كېرەك.

بۇنىڭدىن باشقا، يالغان چىشنى تازىلايدىغان چىش پاستىسىنى تاللىغاندا، ئامال بار كۆپۈكلەشتۈرۈش تابلىتىىنى تاللاش كېرەك. يالغان چىشنى چىلاپ قويۇپ يۇيغاندا، ئۇنى چوتكىلىغانغا قارىغاندا تېخىمۇ پاكىزلىغىلى بولىدۇ.

لەگلەك تورى ئۈندىدار سالونىنى قۇشىۋېلىڭ ئىزدەش نامى : LEGLEK