شىنجاڭ ئۆزتۈرك مەبلەغ سېلىش باشقۇرۇش مەسلىھەتچىلىك چەكلىك شىركىتى بىلەن ھەمكارلاشقان سەھىپە

    4-ئاينىڭ 18-19-20-كۈنى ئۆزتۈرك مەبلەغ سېلىش باشقۇرۇش مەسلىھەتچىلىك شىركىتىدە «مالىيە تۈزۈلمىسىنى لايىھىلەش ۋە ئىجرا قىلىش» تېمىسىدىكى تەربىيلەش دەرىسى ئېلىپ بېرىلدى، تەربىيلەشتە شىنجاڭ ئونۋېرستىتى ئىقتىساد باشقۇرۇش ئىنىستىتوتىنىڭ ئوقۇتقۇچىسى، 20 يىللىق ئەمەلىي مالىيە تەجىربىسى ۋە مول بىلىمگە ئىگە بولغان گۈلىستان مۇئەللىم ئەمەلىيەتكە بىرلەشتۈرگەن ئاساستا دەرس سۆزلىدى.

دەرسكە قاتناشقان كۇرسانتلار دەرس ئاڭلاش بىلەن بىرگە ئاكتىپ پىكىر يۈرگۈزدى ھەم بۇ قېتىملىق دەرسكە بولغان قارىشىنى بايان قىلدى.

ئادىل قۇرۇلۇش ماتىرياللىرى شىركىتىنىڭ لېدىرى ئادىل ئەپەندى
- شېركەت مالىيە ھېساباتىنى توغرا، تەرتىپلىك ئېلىپ بېرىش ئۈچۈن تۈزۈم ئارقىلىق باشقۇرۇشنى ئەمەلگە ئاشۇرۇش مۇھىم ئىكەن، توغرا بولغان مالىيە تۈزۈمىنى بېكىتكەندە مالىيە ھېساباتىنىڭ توغرا ئېنىق بولىشىنى ئەمەلگە ئاشۇرۇپلا قالماي، خادىملار ئوتتۇرسىدىكى ئىشەنچىنى كۈچەيتكىلى بۇلىدىكەن.

شىنجاڭ خەلپە ئۆي-مۈلۈك تەرەققىيات چەكلىك شىركىتى ئىجرا دىرىكتورى ئادىل ئەپەندى
- مالىيە يۈرەككە ئوخشايدۇ، يۈرەك ساغلام بولسا قان ئايلىنىشمۇ ياخشى بۇلىدۇ، مالىيە توغرا، تەرتىپلىك ئېلىپ بېرىلغاندا شېركەتنىڭ تەرەققىياتىنى ئىلگىرى سۈرگىلى بۇلىدۇ. مالىيەرىمىزدە بىر يوچۇق بارلىقىنى بىلىپ تۇرساقمۇ قانداق بىر تەرەپ قىلىشنى بىلمەيۋاتقانتۇق، بۇ قېتىملىق دەرىستىن كىيىن بۇ يوچۇقنىڭ دەل مالىيە تۈزۈمىمىزدە ئىكەنلىكىنى ھېس قىلدۇق.

شىنجاڭ سادا خەلقئارا سودا چەكلىك شىركىتى لىدىرى ھەبىبۇللا ئەپەندى
- بۇ قېتىملىق دەرستىن كىيىن شۇنى ھېس قىلدىمكى مالىيە جەھەتتە ئەمەلىي تەجىربىگە ئىگە بولساممۇ، نۇرغۇن ئۇششاق ھالقىلىرىغا سەل قاراپتىكەنمەن، ئەمەلىيەتتە ھەربىر نۇقتىلار تۈزۈمگە ئاساسەن تەرتىپلىك ئېلىپ بېرىلغاندا، دائىم يۈز بىرىدىغان مەسىلىلەردىن ساقلانغىلى بۇلىدىكەن.

 شىنجاڭ ئىھسان ئاشلىق ماي چەكلىك شىركىتى مالىيە بۆلۈمدىن رەيھانگۈل:
- بۇ قېتىملىق دەرس ياخشى ئورۇنلاشتۇرۇلۇپتۇ، گۈلىستان مۇئەللىمنىڭ ئۇزۇن يىللىق ئەمەلىي خىزمەت تەجىربىسى ۋە مول بىلىمى بىلەن بىرلەشتۈرۈپ سۆزلىگەن بۇ دەرسىدىن كۆپ نەرسىلەرنى ئۆگىنىۋالدىم، شۇنداقلا خىزمەت جەھەتتىكى بەزى خاتا قىلغان ئورۇنلىرىمنى بىلىۋالدىم.

شىنجاڭ ئۆزتۈرك مەبلەغ سېلىش باشقۇرۇش مەسلىھەتچىلىك شىركىتى ئۈندىدار سالونىنى قوشۇۋېلىڭ