يۈبېي رايونىدىكى بىر ئەر ئۆيگە قايتقاچ يانفون ئويناپ ماڭغانلىقتىن، ئويلىمىغان يەردىن باشقا قەۋەتكە چىقىپ قالغان، تېخىمۇ ھەيران قالارلىقى شۇكى، ئۇ ئۆز ئۆيىنىڭ ئاچقۇچى بىلەن ئاستىنقى قەۋەتتىكى قوشنىسىنىڭ ئىشىكىنى ئاچالىغان.

     1-ئاينىڭ 20-كۈنى كەچ سائەت 9 ئەتراپىدا، يۈبېي رايونلۇق ج خ  شۆبە ئىدارىسى باۋشىڭخۇ ساقچىخانىسى، خۇيشىڭ كوچىسى سۈيپىڭ يولىدىكى بىر ئائىلىلىكلەر قورۇسىدا تالاش-تارتىش يۈزبەرگەنلىكى توغرىسىدىكى دېلونى تاپشۇرىۋالغان. ساقچىلار نەق مەيدانغا كەلگەندىن كېيىن، دېلو مەلۇم قىلغۇچى ۋاڭ جىنىڭ ساقچىلارغا ئەھۋالنى سۆزلەپ بېرىشىچە، 1-ئاينىڭ 17-كۈنى، ئۈستۈنكى قەۋەتتە ئولتۇرۇشلۇق جاڭ چېڭ، تېلېفون ئويناپ ماڭغانلىقتىن، لىفىتتىن خاتا ھالدا بۇ قەۋەتتە چۈشۈپ قېلىپ، ئۇنىڭ ئۆيىنىڭ ئىشىكىنى ئېچىپ كىرگەن، لېكىن ئاچقۇچنى تارتىپ چىقىرالماي، ئۇنىڭ ئوغرىلىقتىن ساقلىنىش ئىشىكىنىڭ قۇلۇپ ئۆزىكىنى بۇزۇپ قويغان. 20-چېسلا، ئۇلار قۇلۇپ ئۆزىكىنى ئالماشتۇرۇش چىقىمى توغرىسىدا تالىشىپ قالغان. ساقچى تەرەپنىڭ سەۋرچانلىق بىلەن مۇرەسسە قىلىشى ئارقىلىق، جاڭ چېڭ قۇلۇپ ئۆزىكىنى ئالماشتۇرۇش ئۈچۈن ۋاڭ جىغا 300 يۈەن تۆلەشكە قوشۇلغان.