جاھان ئاگېنتلىقى 21-مارت خەۋىرى؛ لەگلەك تورى تەرجىمىسى: لىۋىيەدە ھەربىي ئۆزگىرىش قوزغاشقا ئۇرۇنغان دەم ئېلىشقا چىققان گېنىرال خەلىفە ھافتەرگە قاراشلىق قۇراللىق قىسىملار پايتەخت ترابلۇستىكى خەلقئارا ئايرۇدرومدا بومبا ھۇجۇمى پەيدا قىلدى.
ترابلۇستىكى بومبا ھۇجۇمىغا ئۇچرىغان ئايرۇدرومدا ئۆلۈم-يىتىم ئەھۋالى ھەققىدە رەسمى ئورگانلاردىن بىرەر بايانات ئېلان قىلىنمىدى. بۇ ئايرۇدروم ئۆتكەن يىل نويابىردا گېنىرال ھافتەرگە قاراشلىق ئۇرۇش ئايرۇپىلانلىرى تەرىپىدىن بومباردىمان قىلىنغان ئىدى.
دەم ئېلىشقا چىققان گېنىرال خەلىفە ھافتەرگە قاراشلىق قىسىملارنىڭ باياناتچىسى مۇھەممەد ھىجازى، «خەلقئارا ئايرۇدروم تېرور مەقسىتىدە ئىشلىتىلگەنلىكى ئۈچۈن ئۇرۇش ئايرۇپىلانلىرى تەرىپىدىن نىشانغا ئېلىندى» دېدى. ھەربىي دائىرلەرنىڭ ئېيتىشىچە، «فەجرى-لىۋىيە» قىسىملىرىنىڭ پايتەخىت ترابلۇسنىڭ جەنۇبىدا دەم ئېلىشقا چىققان گېنىرال خەلىفە ھافتەرگە قاراشلىق كۈچلەرنىڭ ھۇجۇمىغا قارشىلىق بىلدۈرگەنلىكى بىلدۈرۈلگەن.
رايۇندىكى ئەلجەزىرە مۇخبىرىنىڭ ترابلۇسقا مەركەزلەشكەن مىللىي قۇرۇلتايغا قاراشلىق باش شىتاب باشلىقى ئورنىدىن ئېرىشكەن مەلۇماتىغا قارىغاندا، «فەجرى-لىۋىيە» قىسىملىرى پايتەختنىڭ 45 كىلومىتىر جەنۇبىدىكى ئەزىزىيە رايۇنىدا گېنىرال ھافتەرگە قاراشلىق قىسىملارنىڭ ھۇجۇمىغا قارشىلىق بىلدۈرگەنلىكى ۋە رايۇننى كونتروللىقىغا ئالغانلىقى ئېنىقلاندى.
لىۋىيەدە ھەر قايسى گۇرۇپپىلار ئارىسىدا ئېلىپ بېرىلغان سۆھبەت ئۇچرىشىشلىرى ماراكەش پايتەختىدە فاس شەھىرىدە داۋاملىشىۋاتىدۇ. لىۋىيەدە ئىككى پارلامېنت، ئىككى ھۆكۈمەت ۋە ئىككى ئارمىيە مەۋجۇت بولۇپ، ھەر قايسى تەرەپلەر ئارىسىدا قايسى تەرەپنىڭ قانۇنلۇق ئىكەنلىكى ھەققىدە تېخىچە يارىشىش ھاسىل بولمىدى. بۇ سەۋەبلىك بۇنىڭدىن كېيىنكى ئۇچرىشىشلاردا قايسى پارلامېنتنىڭ قانۇنلۇق ئىكەنلىكى ھەققىدە توختالمايدۇ.