بۈگۈن شاڭخەي پاي كۆرسەتكۈچى بازار باشلىنىشى بىلەنلا ئۆسۈشكە باشلىدى ۋە ئەڭ يۇقىرى بولغاندا 2793.30 نۇقتىغا چىقىپ، 1- ئاينىڭ 10- كۈنىدىكى نۇقتا قايتۇرۇۋېلىندى. بازاردا ھەربىي سانائەت، ئۆي مۈلۈك، پۇل مۇئامىلە تۈرىدىكى پايلار ئۆسۈش يۈزلۈنىشىنى ساقلىدى، ئۇقۇم پايلىرى يەنە بىر نۆۋەت ئۆستى، يېڭىلىق يارىتىش تىپتىكى پاي كۆرسەتكۈچى قايتىدىن 2100 نۇقتىغا چىقتى، شىنجىن ۋە شاڭخەيدىكى ئىككى پاي بازىرىدا 2300 دىن ئارتۇق پاي ئۆستى.

          كەسىپ نۇقتىسىدىن قارىغاندا، بازاردا رەڭلىك مىتال پايلىرى يېرىم كۈندىلا %5 تىن ئارتۇق ئۆستى، ئاۋىئاتسىيە، كان مەھسۇلاتلىرى، ئېنتىرنېت قاتارلىق پايلارمۇ بىر قەدەر كۆپ ئۆستى. يېڭىلىق يارىتىش تىپتىكى پاي كۆرسەتكۈچى 2142.87 نۇقتىغا چىققاندىن كېيىن يەنە چۈشۈپ ئەسلىدىكى ھالىتىگە قايىتتى.

       چۈشتە بازار يېپىلغاندا، شاڭخەي پاي كۆرسەتكۈچى 2768.15 نۇقتىغا چىقىپ، ئەتىگەندىن بېرى 28.90 نۇقتا ئۆستى؛ شىنجىن پاي كۆرسەتكۈچى 9748.56 نۇقتىغا چىقىپ، ئەتىگەندىن بىرى 109.69 نۇقتا ئۆستى؛ يېڭىلىق يارىتىش تىپتىكى پاي كۆرسەتكۈچى 2114.31 نۇقتىغا چىقىپ، ئەتىگەندىن بېرى 28.30 نۇقتا ئۆستى.