چاۋشەننىڭ جوڭگۇدا تۇرۇشلۇق باش ئەلچىسى مۇخپىرلار يىغىنى ئېچىپ يادرو قوراللىرىنى ھېمايە قىلىدىغانلىقىنى بىلدۈردى.
ئېراننىڭ يادرو مەسلىسى تارىخى خارەكتىرلىك بىتىم ھاسىل قىلغان ئىدى.چاۋشەن يادرو مەسلىسىنى ھەل قىلغىلى بولارمۇ؟ 28-ئىيۇل چاۋشەننىڭ جوڭگۇدا تۇرۇشلۇق باش ئەلچىسى چې زەي لوڭ مۇخپىرلار يىغىنى ئېچىپ چاۋشەننىڭ يادرو سىياسىتىنى شەرھىلەپ بەردى،شۇ سەۋەپلىك بۇ قېتىمقى مۇخبىرلار يىغىنى دۆلەت ئىچى سىرتىدىكى مۇخبىرلارنىڭ ئالاھىدە دىققىتىنى تارىتتى.
چې زەي لوڭ سۆز ئېلىپ مۇنۇلارنى بىلدۈردى:
«ئىران يادرو كېلىشىمىنىڭ غەلىبىسى بولسا خەلقئارا جەمىيەتنىڭ مەزكۇر دۆلەتنىڭ ئىختىيارى يادرو پائالىيىتى ئېلىپ بېرىش ئىمتىيازىنى ئىتېراپ قىلىشى ھەمدە ئۇزاق مۇددەتلىك چەكلەشنى بىكار قىلغانلىقىنىڭ نەتىجىسى، بۇ چاۋشەننىڭ دۆلەت ئەھۋالى بىلەن قەتئي ماس كەلمەيدۇ،چاۋشەن ئىرانچە يادرو سۆھبىتىگە قىلچە قىزىقمايدۇ.چاۋشەن بولسا ئىسىمى جىسمىغا لايىق يادرو دۆلىتى، چاۋشەن يېرىم ئارىلىنىڭ جىددى ۋەزىيىتىنى ئامرىكىنىڭ ئۆچ كۆرۈش سىياسىتى پەيدا قىلغان. چاۋشەننىڭ يادروغا تاقابىل تۇرۇش كۈچى بولسا ئامرىكىنىڭ يېرىم ئەسىردىن ئارتۇق داۋاملاشقان يادرو تەھدىتى ۋە ئۆچ كۆرۈش سىياسىتىگە قارىتىلغان بولۇپ چاۋشەننىڭ ئىگىلىك ھوقۇقى ۋە مەۋجۇتلۇقى ئۈچۈن كەم بولسا بولمايدىغان ۋاستىلەرنىڭ بىرى».
28-ئىيۇل ئامرېكىنىڭ ئالاھىدە ئەلچىسى زەيلىر(Thaler) بېيجىڭغا يېتىپ بېرىپ چاۋشەن يادرو مەسلىسىدىكى ئالتە تەرەپ سۆھبىتىنى چاقىرماقچى بولدى. ئالدىنقى كۈنى ئۇ كورىيە پايتەختى سېئولدىكى زىيارىتىدە سۆز قىلىپ«ئامرېكا ئىران بىلەن يادرو كېلىشىمى تۈزگەن ئوخشاش ئۇسۇل ئارقىلىق پىڭراڭ بىلەن سۆھبەت ئېلىپ بېرىشقا تەييارلىنىۋاتىدۇ» دىگەن ئىدى.