چەتئەل تاراتقۇلىرىنىڭ خەۋەر قىلىشىچە، سەئۇدى ئەرەبسىتان پايتەختى رىيادتا ئۆتكۈزۈلگەن سۈرىيە ئۆكتىچىلىرى يىغىنىدا، ئۆكتىچىلەر بىلەن ھۆكۈمەتىنىڭ تىنچلىق سۆھبەت يېتەكچى پىرىنسىپىدا ئورتاق تونۇش ھاسىل قىلىنغان.

     خەۋەرلەردە ئېيتىلىشىچە، بۇ تىنچىلق سۆھىبىتى يېتەكچى پىرىنسىپىدا سۈرىيەدە ھەر قايسى گۇرۇھلارغا ۋەكىللىك قىلىدىغان كۆپ ئىلمىنىتلىق ھاكىميەت قۇرۇش ئوتتۇرىغا قويۇلغانكەن.

     ئەمما بىر قەدەر كۈچلۈك تەسىر كۈچكە ئېگە ئۆكتىچى تەشكىلات سۈرىيە ئەركىنلىك ئارمىيەسى بۇ باياناتقا ئىمزا قويۇش-قويماسلىقنى تېخى قارار قىلمىغان. تاراتقۇلارنىڭ بۇ توغرىسىدىكى خەۋىرىمۇ بىردەك بولمىغان.

    خەلقئارا جەمئىيەت سۈرىيەدىكى ئۆكتىچىلەر بىلەن ھۆكۈمەتنى 1- ئاينىڭ 1- كۈنىدىن بۇرۇن تىنچلىق سۆھبىتى ئۆتكۈزۈپ، تۆت يېرىم يىللىق توقۇنۇشنى ئاخىرلاشتۇرۇشقا مۇراجىئەت قىلغان.

2011- يىلدىن بۇيان سۈرىيەدىكى ئىچكى ئۇرۇش ئاز دېگەندە 200 مىڭ ئادەمنى ھاياتىدىن ئايرىدى، ئۇنىڭدىن باشقا يەنە 11 مىليون كىشى يۇرت-ماكانىنى تاشلاپ سەرگەردان بولۇپ كەتتى.