پۇتبول تورى خەۋىرى لەگلەك تورى تەرجىمىسى

بېيجىڭ ۋاقتى 3-ئاينىڭ 8-كۈنى كەچ سائەت 19:00 بولغاندا ئىسپانىيە ئا دەرىجىلىكلەر بىرلەشمىسى 26-ئايلانمىسىدىكى بىر مەيدان مۇسابىقە بارسېلونا كۇلۇبىنىڭ ساھىبخان مەيدانى نوكامپۇردتا ۋاللىكانو كۇلۇبى بىلەن ئېلىپ بېرىلدى. سۇئارىز تۇنجى توپنى كىرگۈزدى. پىك ئارقىدىن توپ كىرگۈزدى. مېسسى قالپاق كەيدى. ئاخىرىقى ۋاقىتتا بوئېنو نۇقتا توپ ئارقىلىق بىر توپ قايتۇرۇۋالدى. سۇئارىز ئاخىرىدا يەنە بىر توپ كىرگۈزدى. بارسېلونا كۇلۇبى ئۆز مەيدانىدا 6-1 نەتىجە بىلەن ۋاللېكانو كۇلۇبىنى مەغلۇپ قىلىپ ئىسپانىيە ئا دەرىجىلىكلەر بىرلەشمىسى نومۇر تاختىسىنىڭ بىرىنچىسى بولدى. ( خان مادرىد كۇلۇبىدىن بىر نومۇر ئارتۇق.)

مۇسابىقە باشلىنىپ 5 مىنۇت بولغاندا شاۋى ياردەمچى پاس بەردى. سۇئارىز سەكرىتىپ بىر توپ كىرگۈزدى. بارسېلونا 1-0 ۋاللېكانو.

ئالدىنقى يېرىم مەيدان مۇسابىقە 1-0 ئاخىرىلاشتى. 

كېيىنكى يېرىم مەيدان مۇسابىقە باشلىنىپ 48- مىنۇتتا بارسېلونا بۇلۇڭ توپ پۇرسىتىگە ئېرىشتى، پىك ۋاراتار ئالدىدىكى قالايمىقانچىلىقتىن پايدىلىنىپ بىر توپ كىرگۈزدى. بارسېلونا 2-0 ۋاللېكانو.

55- مىنۇتتا بارسېلونا كۇلۇبىدىن سۇئارىز چەكلەنگەن رايۇن ئىچىدە يېقىتىۋېتىلدى. مېسسى تەپكەن نۇقتا توپ ۋاراتار تەرىپىدىن توسۇۋېلىندى. رېپىر قايتا تېپىشكە بۇيرىدى، مېسسى كىرگۈزدى. بارسېلونا 3-0 ۋاللېكانۇ.

63-مىنۇتتا سۇئارىزنىڭ تەپكەن توپىنى ۋاراتار چىقىرىۋەتتى، مېسسى ئەگىشىپ كېلىپ توپنى كىرگۈزدى. بارسېلونا 4-0 ۋاللېكانو.

69-مىنۇتتا مېسسى ئۆزى توپ ئېلىپ كىرىپ بىر توپ كىرگۈزۈپ قالپاق كەيدى. بارسېلونا 5-0 ۋاللېكانو.

80- مىنۇتتا ئارۋىس چەكلەنگەن رايۇن ئىچىدە قائىدىگە خىلاپلىق قىلىپ قىزىل كارتا يەپ مەيداندىن چۈشۈپ كەتتى. ۋاللېكانو كۇلۇبىدىن بۇئېنو نۇقتا توپنى كىرگۈزۈپ بىر توپ قايتۇرۇۋالدى. بارسېلونا 5-1 ۋاللېكانو.

89-مىنۇتتا مېسسى ياردەمچى پاس بەردى. سۇئارىز توپنى كىرگۈزدى. بارسېلونا كۇلۇبى 6-1 ۋاللېكانو.

مۇسابىقە ئاخىرلاشتى. بارسېلونا كۇلۇبى ئۆز مەيدانىدا 6-1 نەتىجە بىلەن رەقىبىنى مەغلۇپ قىلىپ ئىسپانىيە ئا دەرىجىلىكلەر بىرلەشمىسى نومۇر تاختىسىنىڭ بىرىنچىسى بولدى.

بۇ مەيدان مۇسابىقىدە ئۈچ توپ كىرگۈزگەن مېسسى ۋە سۇئارىز تولۇق 10 نومۇرغا ئېرىشتى.