يەر شارى خەۋەر تورى 9-ماي خەۋىرى؛ لەگلەك تورى تەرجىمىسى: ئىران پرېزىدنتى ھەسەن رۇھانى، سەئۇدى ئەرەبىستان باشچىلىقىدا قۇرۇلغان بىرلەشمە ئارمىيەنىڭ يەمەنگە قاراتقان ھەرىكەتلىرىنى «زور ئىستىراتىگيەلىك خاتالىق» دەپ قارىدى. رۇھانى پايتەخت تېھراندا « شەپقەتلىك ئىنسان ۋە ھۇزۇلۇق دۇنيا» ناملىق يىغىنىدا سۆز قىلىپ، خەلقئارا جەمئىيەتنى يەمەن خەلقىگە ياردەم قىلىش ئۈچۈن قىزىل كېرسىت ۋە قىزىل ئاي قاتارلىق ياردەم ئورگانلىرىغا بېسىم ئىشلىتىش ھەققىدە چاقىرىق قىلدى. رۇھانى، قىزىل كېرسىت ۋە قىزىل ئاي جەمئىيتىنىڭ ئىھتىياجلىق ھەر قانداق بىر دۆلەتكە ياردەم قىلىش مەجبۇرىيتى بارلىقىنى تىلغا ئېلىپ، بىز بۇ ئورگانلارنى بىتەرەپ بولۇشقا چاقىرىم دېدى، ئۇ مۇنداق دېدى؛ «يەمەن ئەمەس، بەلكى ياۋرۇپادىكى بىرەر دۆلەت بۈگۈن مۇشۇ ئەھۋالدا بولسا ئىدى ، قىزىل كېرسىت ۋە قىزىل ئاي تەشكىلاتلىرى قانداق قىلاتتى؟ دەرھال ئاۋىئاتسىيە كۆۋرۈك يولى ئېچىلاتتى ۋە بىر قانچە دۆلەت بۇ يول بىلەن ئىنسانىي ياردەملەرنى جىددى يەتكۈزەتتى. ئەمما ئۈچىنجى دۇنيا ئەللىرى بولغان بىر نامرات دۆلەت بۇنداق تراگىدىيەگە دۇچ كەلگەندە بارلىق ياردەم يەتكۈزۈلمەستىن تېخى دورا ۋە ئاساسى ئېھتىياجمۇ قامدالمايۋاتىدۇ» دېدى. رۇھانى؛ يەمەندە بۈگۈن يۈز بېرىۋاتقان ئۇرۇش ئىچكى ئۇرۇش ئەمەس، ئۇ بەلكى بىر قوشنىنىڭ يەنە بىر قوشنىسىغا بومبارىمان ئارقىلىق ھۇجۇم قىلىشىدۇر، دەپ مۇنداق دېدى؛ « سەئۇدى ئەرەبىستان يەمەنگە ياردەم قىلىشنىڭ ئورنىغا بومباردىمان قىلۋاتدۇ، سەئۇدى ئۆزىنى كۈچلۈك ۋە قابىلىيەتلىك قىلىپ كۆرسىتىشنى مەقسەت قىلىۋاتىدۇ، سەئۇدىنىڭ بۇ ھەرىكىتى زور ئىستراتىگيە خاتالىقىدۇر» دېدى.