جۇڭگو خەلق ئازاتلىق ئارمىيەسى باش سىياسى بۆلۈمى يېقىندا قۇراللىق ساقچى قىسىم شىزاڭ باش ئەترىتىنىڭ سىياسىي كومىسسارىنىڭ كورپۇس دەرىجىلىك تەمىناتتىن بەھرىمان بولىدىغانلىقىنى جاكارلىدى.
قۇراللىق ساقچى قىسىمنىڭ شىتاب باشلىقى نىيۇ جىجۇڭ مۇنداق دەپ كۆرسەتتى: قۇراللىق ساقچى قىسىم شىزاڭ باش ئەترىتىنىڭ ئاساسلىق مەسئۇللىرىغا يۇقىرى تەمىنات بېرىش- مەركىزى ھەربىي ئىشلار كومىتېتىنىڭ قۇراللىق ساقچى قىسىم شىزاڭ باش ئەترىتى تۇرۇشلۇق ئالاھىدە مۇھىت ۋە ئىستراتىگىيەلىك ئورۇن شۇنداقلا ئۈستىگە ئالغان ئالاھىدە بۇرچى ۋە مۇشكۇل ۋەزىپىسى، شىزاڭنىڭ ئەبەدىل ئەمىنلىكىنى تېخىمۇ ياخشى قوغداشنى كۆزدە تۇتۇپ چىقارغان مۇھىم ھەل قىلغۇچ تەدبىرى.

بۇ قۇراللىق ساقچى قىسىم شىزاڭ باش ئەترىتىنىڭ ئاساسلىق مەسئۇللىرىغا بولغان كۆڭۈل بۆلۈشى ۋە غەمخۇرلۇقى بولۇپلا قالماستىن، باش ئەترەت پارتكوم رەھبەرلىك كوللىكتىپى ۋە ئوفىتسىر-ئەسكەرلەرگە بولغان مەدەت، ئىلھام.

شىزاڭ ئاپتونوم رايونلۇق پارتكومنىڭ مۇئاۋىن شۇجىسى، دائىمىي مۇئاۋىن رەئىسى، ئاپتونوم رايونلۇق پارتكوم سىياسىي قانۇن كومىتېتىنىڭ شۇجىسى دېڭ شاۋگاڭ مۇنداق دەپ كۆرسەتتى: بۇ قېتىمقى قۇراللىق ساقچى قىسىم شىزاڭ باش ئەترىتىنىڭ ئاساسلىق مەسئۇللىرىغا يۇقىرى تەمىنات بېرىش- پارتىيە مەركىزى كومىتېتى، گوۋۇيۈەن، مەركىزى ھەربىي ئىشلار كومىتېتى ۋە قۇراللىق ساقچى قىسىم پارتكومىنىڭ شىزاڭ خىزمىتىگە يۈكسەك دىققەت قىلىدىغانلىقىنى تولۇق گەۋدىلەندۈردى.

ئۇزاقتىن بۇيان، قۇراللىق ساقچى قىسىم شىزاڭ باش ئەترىتى شىزاڭنىڭ جەمئىيىتىنىڭ ئىناق مۇقىملىقىنى قوغداش، يەرلىك ئىقتىسادنىڭ تەرەققىياتىغا تۈرتكە بولۇش، مىللەتلەر ئىتىتپاقلىقىنى ئىلگىرى سۈرۈش جەھەتتە گەۋدىلىك تۆھپە قوشۇپ، تېگىشكۈسىز رول ئوينىدى. شىزاڭ ئاپتونوم رايونلۇق پارتكوم، ھۆكۈمەت قۇراللىق ساقچى قىسىم شىزاڭ باش ئەترىتى قۇرۇلۇشىنى ئاۋالقىدەكلا قوللاپ، غەمخۇرلۇق قىلىپ، قىسىم قۇرۇلۇشىغا پايدىلىق شارائىت ۋە ياخشى مۇھىت يارىتىشقا پۈتۈن كۈچى بىلەن ياردەم بېرىدۇ.