چاۋشيەن بىرلەشمە ئاگېنتلىقىنىڭ 10-دېكابىردىكى خەۋىرىگە قارىغاندا، چاۋشيەن «تۆھپە» دۆلەتلىك خور ئۆمىكى بىلەن «مودەنگۈل چوققىسى» ئوركېسترى 10-دېكابىر چۈشتىن كېيىن بېيجىڭغا يېتىپ كەلگەن، نۆۋەتتە مىللەتلەر مېھمانسارىيىغا چۈشكەن. «مودەنگۈل چوققىسى» ئوركېسترىنىڭ ئەزالىرى ئۆزلىرى چۈشكەن مېھمانسارايدا كورىيە بىرلەشمە ئاگېنتلىقىنىڭ مۇخبىرىنىڭ زىيارىتىنى قوبۇل قىلغان.   ئىگىلىنىشىچە، «مودەنگۈل چوققىسى» ئوركېسترى 9-دېكابىر پيۇڭياڭدىن مەخسۇس پويىزغا ئولتۇرۇپ ئالدى بىلەن جۇڭگونىڭ دەندۇڭغا يېتىپ كەلگەن، ئاندىن 9-دېكابىر چۈشتىن كېيىن سائەت 6:30 لاردا جۇڭگونىڭ ئادەتتىكى پويىزىغا ئالمىشىپ شېنياڭدىن ئۆتۈپ، 10-دېكابىر ئەتىگەن سائەت 8:30 لاردا بېيجىڭ بېكىتىگە يېتىپ كەلگەن، ئارقىدىنلا مىللەتلەر مېھمانسارىيىغا چۈشكەن.

  ئىگىلىنىشىچە، «مودەنگۈل چوققىسى» ئوركېسترى بىلەن «تۆھپە» دۆلەتلىك خور ئۆمىكى 12-دېكابىردىن 15-دېكابىرغىچە بېيجىڭ دۆلەتلىك تىياتىرخانىدا دوستلۇق ئويۇنى قويىدىكەن.