تەڭرىتاغ تورى خەۋىرى: شىنجاڭ ئۇيغۇر ئاپتونوم رايونىنىڭ تاشقى تەشۋىقات خىزمىتى يىغىنى 20-ئۆكتەبىر چۈشتىن بۇرۇن ئۈرۈمچىدە ئېچىلدى. ئاپتونوم رايونلۇق پارتكوم دائىمىي كومىتېتىنىڭ ئەزاسى، تەشۋىقات بۆلۈمىنىڭ باشلىقى لى شۆجۈن يىغىنغا قاتناشتى ھەمدە سۆز قىلدى. ھەرقايسى ۋىلايەت، ئوبلاست، شەھەرلىك پارتكوملارنىڭ تەشۋىقات بۆلۈمىنىڭ باشلىقلىرى، دائىمىي مۇئاۋىن باشلىقلىرى، تاشقى تەشۋىقات ئىشخانىسىنىڭ مۇدىرلىرى، ئاپتونوم رايوننىڭ ھەرقايسى تارماقلىرى، ئالىي مەكتەپلەر، چوڭ تىپتىكى كارخانىلارنىڭ مەسئۇللىرى يىغىنغا قاتناشتى.

لى شۆجۈن يىغىندا مۇنداق تەكىتلىدى: مەركەزنىڭ 2-قېتىملىق شىنجاڭ خىزمىتى سۆھبەت يىغىنى، مەركەزنىڭ مىللەتلەر خىزمىتى يىغىنى، ج ك پ ئاپتونوم رايونلۇق 8–نۆۋەتلىك كومىتېتىنىڭ 7–ئومۇمىي (كېڭەيتىلگەن) يىغىنى ۋە شۇجى جاڭ چۈنشيەننىڭ بىر يۈرۈش مۇھىم سۆزلىرىنىڭ ئۆگىنىش ۋە ئىزچىللاشتۇرۇشقا بىرلەشتۈرۈپ، مەركەز ۋە ئاپتونوم رايونلۇق پارتكومنىڭ شىنجاڭنىڭ تاشقى تەشۋىقات خىزمىتىگە بولغان سىياسەت ۋە ئورۇنلاشتۇرۇشلىرىنى قەتئىي ئىزچىللاشتۇرۇش ۋە ئەمەلىيلەشتۈرۈش كېرەك.