خېڭدا ۋە سۇنىڭ ئارقا-ئارقىدىن يۇقىرى باھادا چەتئەللىك توپچى سېتىۋالدى، باشقا كوماندىلارمۇ ئارقىدا قالمىدى، يۆتكىلىش بازىرىنى كۆپۈك خەۋەر قاپلىدى. تۈركىيە تاراتقۇسى بېيجىڭ گوئەن پات ئارىدا 8 مىلىيون ياۋرو باھادا تۈركىيەلىك ھۇجۇمچى يىلمازنى سېتىۋالىدۇ دەپ خەۋەر قىلغان، ئەنگىلىيە تاراتقۇسى مورىنھو جۇڭگو كوماندىسىنىڭ تەكلىپىنى تاپشۇرىۋالدى، لىۋېرپول ھۇجۇمچىسى سىتۇرىچ جۇڭگوغا كېلىدۇ دەپ خەۋەر قىلغان.

         گوئەن يىلمازنى قوشىۋالدى

          بېيجىڭ گوئەن ئارقا بەل رالىف ۋە ھۇجۇم يادروسى ئاۋگۇستو بىلەن توختام ئىمزالىغاندىن كېيىن، ئەڭ ئاخىرقى بىر نەپەر چەتئەللىك سانىنى ھۇجۇمچىغا قالدۇردى. تۈركىيە تاراتقۇسىنىڭ خەۋەر قىلىشىچە، بېيجىڭ ەوئەن پات ئارىدا گالاتا ساراي بىرلەشمىسى ھۇجۇمچىسى يىلمازنى 8 مىلىيون ياۋرو باھادا سېتىۋالىدىكەن، ئۇ گوئەن بىلەن تۆت يىللىق توختام ئىمزالايدىكەن.

يىلماز 1985-يىلى تۇغۇلغان، بوي ئېگىزلىكى1.88 مېتىر، گالاتا ساراي كوماندىسىدا 140 قېتىم مەيدانغا چىقىپ 81 توپ كىرگۈزگەن، 2012\13-مۇسابىقە پەسىلىدە 24 توپ كىرگۈزۈپ ئەڭ مۇنەۋەر مەرگەن بولغان. ئۇ ئىككى قېتىم كوماندىغا كۈچ چىقىرىپ بىرلەشمە چېمپىيونلۇقىغا ئېرىشكەن، ھەم كوماندىنىڭ ياۋروپا ئۇزغۇنلۇق سەككىز كۈچلۈككە كىرىشىگە كۈچ قوشقان. يىلماز بۇ پەسىلدىكى 15 مەيدان مۇسابىقىدە 9 توپ كىرگۈزدى، بۇندىن سىرت دۆلەت كوماندىسىدا 42 قېتىم مەيدانغا چىقىپ 19 توپ كىرگۈزگەن.

تۈركىيە بېكى خۇاشىياغا قوشۇلدى

        تۈركىيە دۆلەت كوماندىسى بېكى گۈلۈم خېبىي خۇاشىيانىڭ كىيىمىنى كىيىپ چۈشكەن سۈرەتنى ئېلان قىلىپ، ئۆزىنىڭ جۇڭگو بىرلەشمىسىگە قاتنىشىدىغانلىقىنى جەزىملەشتۈردى. بۇندىن ئىلگىرىكى خەۋەرگە ئاساسلانغاندا، ئۇنىڭ يۆتكىلىش ھەققى 7 مىلىيون ياۋرو.

گۈلۈم خېبىيدا ئۆزىنىڭ كەسپىي ھاياتىنىڭ يېڭى بىر باسقۇچىنى باشلايدىغانلىقىنى ئېيىتقان. بۇ يىل 29 ياشقا كىرگەن گۈلۈم ئاۋىستىرالىيە ۋە تۈركىيە قوش دۆلەت تەۋەلىكىگە ئىگە، شۇ سەۋەبتىن يېڭى پەسىلدە ئاسىيا سىرتىدىكى توپچى سالاھىيىتىدە مۇسابىقىگە قاتنىشىدۇ. ئۇ بېشىكتاشتىكى بەش يىلدا 126 قېتىم مەيدانغا چىقىپ ئۈچ توپ كىرگۈزگەن، بىر قېتىم تۈركىيە لوڭقىسى چېمپىيونلۇقىغا ئېرىشكەن.

سىتۇرىچ جۇڭگوغا كېلىدۇ

ئەنگىلىيە «playingfor90» تاراتقۇسىنىڭ خەۋەر قىلىشىچە، لىۋېرپولنىڭ گۇمانلىنىشىغا ئۇچراپ نارازى بولغانلىقتىن ئېنگىلاند ھۇجۇمچىسى سىتۇرىچ جۇڭگو بىرلەشمىسىگە كېلىشى مۇمكىنكەن.

بۇ يىل 26 ياشقا كىرگەن سىتۇرىچ، سۇيارىز بىلەن ماسلاشقان ۋاقىتتا ئىلگىرى لىۋېرپولنىڭ چېمپىيونلۇققا ئېرىشىشىگە ياردەم قىلغان، ئەمما ئۆتكەن ئىككى پەسىلدە سىتۇرىچ سىتۇرىچ يارىلىنىش ئاۋارىچىلىقىغا ئۇچرىدى. خەۋەردە سىتۇرىچ كېيىنكى پەسىلدە جۇڭگو بىرلەشمىسىگە كېلىدۇ دېيىلگەن. يۆتكىلىش بازىرىنىڭ سانلىق مەلۇماتىغا ئاساسلانغاندا، سىتۇرىچنىڭ باھاسى 25 مىلىيون ياۋرو ئىكەن.