يەر شارى تورى خەۋىرى، نۇر تورى تەرجىمىسى:

ئەنگلىيە «كۈندىلىك پوچتا گېزىتى» نىڭ 12-مارتتىكى خەۋىرىگە ئاساسلانغاندا، ئەنگلىيەلىك بىر چوڭ ئاشپەز ئەنگلىيە خەلقىگە كاۋاپنىڭ ئۇزۇن تارىخقا ئىگە ئىكەنلىكىنى كېڭەيتىش ئۈچۈن، يېيىشلىك بولغان دۇنيادىكى ئەڭ قىممەت كاۋاپنى پىشۇرۇپ چىقىپ، بىر تەخسىسىنى 925 فوندستېرلىڭ (تەخمىنەن 8583 يۈەن) دىن ساتقان. ئوندېر ساھان (Onder Sahan) ياپونىيەنىڭ ئالدىنقى قاتاردا تۇرىدىغان كالا گۆشى شرازىسى، يېڭى قېرىنسىمان موگۇ ۋە ھەربىر مىللىلېتىرى 1.84 فوندستېرلىڭ (تەخمىنەن 12 مىليون يۈەن) لىك ئىتالىيەنىڭ 25 يىللىق كىلاسسىك كونا ئاچچىقسۈيىنى ئىشلىتىپ، بىراقلا قازانغا سېلىپ تۇزلىغان، ئاندىن بۇ خىل ئېسىل تائامنى تەييارلاپ چىققان، ئېيتىشلارغا قارىغاندا بۇ خىل كاۋاپ كىشىلەرنى تىلىنىڭ ئۇچىدا ئېرىشتەك ئېسىل تۇيغۇغا كەلتۈرىدىكەن. ساھان بۇنىڭغا «خان جەمەتى كاۋىپى» دەپ نام قويغان بولۇپ، بۇ ئارقىلىق 4-نۆۋەتلىك ئەنگلىيە كاۋاپ مۇسابىقىسىنى جانلاندۇرغان. 

بۇ مۇسابىقىنىڭ قۇرغۇچىسى ئىبراھىم دوگاس (Ibrahim Dogus) نىڭ بۇ مۇكاپات تۈرىنى تەسىس قىلىشتىكى مەقسىتى بولسا، كىشىلەرنىڭ كاۋاپقا بولغان كەمسىتىشتەك ئەنئەنىۋى كۆز قارىشىنى بۇزۇپ تاشلاپ، بۇنداق ئېسىل تائامنى كەڭ قارشى ئېلىشقا ئېرىشتۈرۈش ئىكەن. دوگاسنىڭ تونۇشتۇرۇشىچە، ئەنگلىيەلىكلەر پىتا قاتلىمىسىغا كاۋاپ قىستۇرۇپ يېيىشنى ياخشى كۆرىدىغان بولۇپ، بىراق كاۋاپنىڭ ھەقىقىي ئەھمىيىتىنىڭ كۈچلۈك ئوتتا قاقلاپ پىشۇرۇلغانلىقىدا ئىكەنلىكىنى ئېيتقان. نۇرغۇنلىغان داڭلىق ئاشپەزلەر بۇنى سىناپ بېقىش ئىستىكىدە بولۇپ، بۇ كاۋاپ ساھەسىدىكى «ئوسكار» مۇكاپاتىغا ئېرىشىش ئىرادىسىگە كەلگەن.

ساھاننىڭ دېيىىشىچە، ئۇ ئۆزىنىڭ بۇ خىل تائام تەييارلىيالىغانلىقىدىن ناھايىتى شەرەپ ھېس قىلىدىغان بولۇپ، بۇ دۇنيادىكى ئەڭ قىممەت كاۋاپ، شۇنىڭ بىلەن بىرگە تائام مەدەنىيىتىگە بولغان بىر تەبرىك ھېسابلىنىدىكەن. چۈنكى بۇ يېمەكلىك ماتېرىياللىرىنى تېپىش ناھايىتى تەس بولغانلىقتىن، ئەگەر كىشىلەرنىڭ تېتىپ باققۇسى بولسا، ئالدىن زاكاس قىلسا بولىدىكەن.