شىنخۇا تورى 16- مارت خەۋىرى: باغداش تورىدىن: ئابلىمىت تەرجىمىسى

برازىلىيە جۇغراپىيە ستاتىستىكا ئىدارىسى 15- مارت ئېلان قىلغان سانلىق مەلۇماتلارغا ئاساسلانغاندا، 2015- يىلى برازىلىيەدىكى ئىشسىزلىق نىسبىتى %8.5 كە يېتىپ، بۇ دۆلەتتىكى ئىشسىزلارنىڭ سانى 8 مىليون 600 مىڭغا يەتكەن، بۇ سان 2014- يىلدىكى ئىشسىزلار سانىدىن %28 كۆپ بولغان.

بۇ سىتاتىستىكا پۈتۈن مەملىكەتتىكى 3464 شەھەر-بازاردىكى 211 مىڭ ئائىلىنى ئەۋرىشكە ئېلىپ تەكشۈرۈش ئارقىلىق ئېرىشىلگەن بولۇپ، 2014- يىلى برازىلىيەدىكى ئوتتۇرىچە ئىشسىزلىق نىسبتى %6.8 بولغان.

سانلىق مەلۇماتلاردا كۆرسىتىلىشىچە، ئۆتكەن يىلى 4- پەسىلدە برازىلىيەدىكى ئىشسىزلىق نىسبتى %9 كە يەتكەن. جۇغراپىيە ستاتىستىكا ئىدارىسى خىزمەت ۋە كىرىم بۆلۈمىنىڭ ماسلاشتۇرغۇچىسى ئازرىدونىڭ ئېيتىشىچە، 4- پەسىلدە ئىشسىزلىق نىسبىتىنىڭ ئېشىشىنى بازارنىڭ مۇقىمسىزلىقى، قۇرۇلمىنىڭ تەڭشىلىشى، سېتىۋېلىش كۈچىنىڭ تۆۋەنلىشى قاتارلىق ئامىللار كەلتۈرۈپ چىقارغانىكەن.