ئورتاق تىرىشىپ، ‹‹13–بەش يىل›› دا يېڭى ۋەزىيەت يارىتايلى

     سىياسىي كېڭەش شىنجاڭ ئۇيغۇر ئاپتونوم رايونلۇق 11 – نۆۋەتلىك كومىتېتىنىڭ 4 – يىغىنىغا قاتنىشىۋاتقان ھەر مىللەت، ھەر ساھە ئەزالار گۇرۇپپىلارغا بۆلۈنۈپ ‹‹ھۆكۈمەت خىزمىتىدىن دوكلات››، ئاپتونوم رايوننىڭ 13 – بەش يىللىق يىرىك پىلان لايىھەسى ۋە پىلان خامچوت دوكلاتىنى داۋاملىق مۇزاكىرە قىلدى. مۇزاكىرىدە ئەزالار بىردەك مۇنداق قاراشتى: بۇ يىل ئىقتىسادنىڭ چېكىنىش بېسىمى يەنىلا داۋاملىشىدۇ، ئاپتونوم رايونىمىز دۇچ كېلىدىغان تەرەققىيات ۋەزىيىتى تېخىمۇ كەسكىن بولىدۇ، شۇڭا خەۋپ ئېڭى، مەسئۇلىيەت ئېڭىنى ھەقىقىي كۈچەيتىپ، فۇنكسىيەنى ئادا قىلىشنىڭ ئۈنۈمىنى ئاشۇرۇش، ‹‹دوكلات››نىڭ روھىنى ئومۇميۈزلۈك ئىزچىل ئەمەلىيلەشتۈرۈش كېرەك. سىياسىي كېڭەش ئەزالىرى فۇنكسىيەسىنى ئادا قىلىشقا سادىق بولۇپ، مەسئۇلىيەتنى زىممىسىگە ئېلىپ، خىزمەتلەرنى پۇختا ئىشلىشى، ئاپتونوم رايونلۇق پارتكومنىڭ مەركىزىي خىزمەتلىرىنى چۆرىدەپ، سىياسىي كېڭەشنىڭ كېڭىشىش، دېموكراتىيەنى ئەمەلىيىتىدە كۆرسىتىشىنى چوڭقۇرلاشتۇرۇپ، 13 – بەش يىللىق پىلاننىڭ تۇنجى يىلىنى ياخشى باشلاپ، قەدەمنى پۇختا بېسىشقا تۈرتكە بولۇشى كېرەك.

  ئاپتونوم رايونلۇق پارتكومنىڭ مۇئاۋىن شۇجىسى، ئاپتونوم رايوننىڭ رەئىسى شۆھرەت زاكىر ئىقتىساد ۋە سودا – سانائەتچىلەر ساھەسىنىڭ بىرلەشمە مۇزاكىرىسىگە قاتناشتى. شۆھرەت زاكىر ئەزالارنىڭ سۆزىنى ئاڭلىغاندىن كېيىن مۇنۇلارنى بىلدۈردى: مەركەز بۇ يىل تەمىنلەشتىكى يانداش قۇرۇلمىلىق ئىسلاھاتتىن ئىبارەت مۇھىم ئىدىيەنى ئوتتۇرىغا قويدى. ئاپتونوم رايونلۇق پارتكومنىڭ ئىقتىساد خىزمىتى يىغىنىدا، 2016 – يىلىدىكى ئىقتىسادىي ۋەزىيەت، مۇقىم ئاشۇرۇشنىڭ مۇھىم نۇقتىسى، قۇرۇلما خاراكتېرلىك ئىسلاھاتنىڭ ۋەزىپىسى، ئەلگە نەپ يەتكۈزۈشنىڭ مۇھىم نۇقتىسى ۋە ئېچىۋېتىش ئىستراتېگىيەسى ھەققىدە ئېنىق ئورۇنلاشتۇرۇش قىلىندى. بىز يېڭى نورمال ھالەتكە بولغان تونۇش ۋە چۈشىنىشىمىزنى ھەقىقىي چوڭقۇرلاشتۇرۇپ، ئىقتىسادنىڭ چېكىنىش بېسىمىغا قارىتا يېڭى تېخنىكا، يېڭى مەھسۇلات، يېڭى كەسىپ ھالىتىنى تەرەققىي قىلدۇرۇشنى تېزلىتىپ، يېڭى ئېشىش كۈچىنى ۋە يېڭى تەرەققىيات ئېنېرگىيەسىنى تىرىشىپ ھاسىل قىلىشىمىز كېرەك.

  يېڭى نورمال ھالەتتە ئۇسۇلنى ئۆزگەرتىش، قۇرۇلمىنى تەڭشەش ۋەزىپىسى يەنىلا مۈشكۈل، بىز ھەرگىزمۇ قاراپ ئولتۇرماستىن، دۆلەتنىڭ نۆۋەتتىكى ئىقتىسادنىڭ چېكىنىش بېسىمىغا قارىتا يۈرگۈزگەن ئىسلاھات پۇرسىتىنى چىڭ تۇتۇپ، دادىللىق بىلەن يېڭىلىق يارىتىپ، ئىستراتېگىيەلىك تەڭشەش ئېلىپ بېرىپ، يولۇققان گەۋدىلىك مەسىلىلەرنى قەتئىي ھەل قىلىپ، يېڭى – كونا ھەرىكەتلەندۈرگۈچ كۈچلەرنىڭ ئالمىشىشىنى تېزلىتىشىمىز كېرەك. ئىقتىساد ۋە سودا – سانائەتچىلەر بىرلەشمىسىدىكى زاتلارنىڭ تونۇشنى بىرلىككە كەلتۈرۈپ، ئاپتونوم رايونلۇق پارتكومنىڭ تۈرلۈك قارار، ئورۇنلاشتۇرمىلىرىنى بەجانىدىل ئەمەلىيلەشتۈرۈپ، ئورتاق تىرىشىپ، ئاپتونوم رايونىمىزنىڭ ئىقتىسادىي، ئىجتىمائىي تەرەققىياتى ئۈچۈن تۆھپە قوشۇشىنى ئۈمىد قىلىمەن.

  ئاپتونوم رايونلۇق سىياسىي كېڭەشنىڭ رەئىسى نۇرلان ئابىلمەجىن بىرلەشمە گۇرۇپپا مۇزاكىرىسىگە رىياسەتچىلىك قىلدى، ئاپتونوم رايونلۇق سىياسىي كېڭەشنىڭ مۇئاۋىن رەئىسى جۈرئەت ئىمىن مۇزاكىرىگە قاتناشتى.

  ‹‹ھۆكۈمەت خىزمىتىدىن دوكلات››تا، ماس تەرەققىياتتا چىڭ تۇرۇپ، تەرەققىياتنىڭ بىر پۈتۈنلۈكىنى كۈچەيتىپ، تەرەققىياتنىڭ تەڭپۇڭلۇقى، سىغدۇرۇشچانلىقى ۋە سىجىللىقىنى ئاشۇرۇش ئوتتۇرىغا قويۇلدى. ئالاھىدە تەكلىپ قىلىنغان ئەزا لۇ ۋېيلۇڭ مۇنداق دەپ قارىدى: ماس تەرەققىياتتا چىڭ تۇرۇپ، بىڭتۈەن بىلەن يەرلىكنىڭ بىرىكىشىشىنى ئىشقا ئاشۇرۇش ناھايىتى مۇھىم ھالقا. بۇنىڭ ئۈچۈن يۇقىرى پەللىدە تۇرۇپ ئىلگىرى سۈرۈش ۋە پىلانلاش، بىرىكمە تەرەققىياتنى تېزلىتىپ، بىڭتۈەن بىلەن يەرلىك ئوتتۇرىسىدىكى چەكلىمىنى بۇزۇپ تاشلاپ، بايلىقلارنى ماسلاشتۇرۇش، ئۆزئارا ئۆگىنىش كېرەك، شۇنداق بولغاندىلا ئورتاق تەرەققىي قىلغىلى، ئومۇميۈزلۈك ھاللىق جەمئىيەت قۇرۇپ چىققىلى بولىدۇ.

  ئەزا ۋاڭ جۇڭشەن مۇنداق دېدى: ئاپتونوم رايونىمىزنىڭ ‹‹12 – بەش يىل››دىكى نەتىجىلىرى ئاسان قولغا كەلمىگەن. ‹‹13 – بەش يىل››دا ئاپتونوم رايونىمىز ئىشلەپچىقىرىش ئومۇمىي قىممىتىنى ئوتتۇرىچە يىلىغا %7 ئاشۇرۇش نىشانىنى بېكىتتى. نۆۋەتتىكى ئىقتىسادنىڭ چېكىنىش بېسىمى كۈچىيىۋاتقان ئەھۋالدا، بۇمۇ مۈشكۈل ۋەزىپە ھېسابلىنىدۇ. بىز ئاپتونوم رايونلۇق پارتكومنىڭ كۈچلۈك رەھبەرلىكىدە، كەلگۈسى بەش يىلدا شىنجاڭنىڭ تېخىمۇ ياخشى، تېخىمۇ تېز تەرەققىي قىلىدىغانلىقىغا ئىشىنىمىز.

  ئەزا فەن پىڭ مۇنداق تەكلىپ بەردى: تەمىنلەشتىكى يانداش قۇرۇلمىلىق ئىسلاھاتنىڭ يادرولۇق مەزمۇنى ئىشلەپچىقىرىش ئىقتىدارىنى كېمەيتىش، ئىسكىلات قالدۇقىنى ئازايتىشقا كاپالەتلىك قىلىپ، تەننەرخنى تۆۋەنلىتىش، ئاجىز ھالقىنى تولۇقلاش. ئىقتىسادنىڭ يېڭى نورمال ھالىتىدە داۋاملىق كۆلەم ۋە سۈرئەتنىڭ ئېشىشىنى قارىغۇلارچە قوغلىشىشقا بولمايدۇ. بۇنىڭدا ئەنئەنىۋى تەپەككۇرنى ئۆزگەرتىپ، ئەنئەنىۋى ئىشلەپچىقىرىش ئىقتىدارىنى ئۈزۈل – كېسىل قۇرۇلما خاراكتېرلىك ئىسلاھ قىلىشقا ئىرادە باغلاش كېرەك. شىنجاڭنىڭ سېلىشتۇرما ئەۋزەللىكىنى توغرا تېپىپ، تۈجۈپىلەپ كۈچەش، سۈپەتنى ئاشۇرۇپ، ماركا يارىتىشقا ئېتىبار بېرىش، بەزى كەسىپلەردە كۆپرەك كۈچ چىقىرىش كېرەك.




خەتكۈچلەر:
14-01-2016
ئالاھىدە ئەسكەرتىش:
لەگلەك تورىدىكى خەۋەرلەرنىڭ ئاخبارات ھوقۇقى لەگلەك تورىغا مەنسۈپ . قالايمىقان كۆچۈرۈپ تارقىتىپ ئېغىر ئاقىۋەت كېلىپ چىقسا تور بىكتىمىز مەسئۇل بولمايدۇ. !!!
لەگلەك تورىدىن خەۋەر رەسىم كۆچۈرۈپ تارقاتماقچى بولسىڭىز ، مەنبەسىنى ۋە ئۇلانما ئادىرسىنى ئېنىق ئەسكەرتىڭ !
مۇناسىۋەتلىك خەۋەرلەر
11-06-2016
   6-ئاينىڭ 10-كۈنى، ئىسسىق گاز شارى يېڭى توي قىلغۇچىلارنى ئېلىپ بوشلۇققا كۆتۈرۈلمەكتە. شۇ كۈنى جىياڭسۇ ئۆلكىسى نەنجىڭ شەھىرىدە ئۆتكۈزۈلگەن ئىسسىق گاز شارى بوشلۇق توي مۇراسىمى كارنىۋال پائالىيىتىدە، 50 جۈپ يېڭى توي قىلغان قى-يى...
10-06-2016
جۇڭگو ئاخبارات تورى 10- ئىيۇن خەۋىرى: باغداش تورىدىن: ئابلىمىت تەرجىمىسى     چەتئەل تاراتقۇلىرىنىڭ خەۋەر قىلىشىچە، يېقىندا موسكۋادا 2 مىليون دوللار سەرىپ قىلىنغان بىر مەيدان ھەشەمەتلىك توي مۇراسىمى ئۆتكۈزۈلگەن بولۇپ،...
28-05-2016
     شۇ يەر ۋاقتى 5-ئاينىڭ 27-كۈنى، ئۇكرائىنا كىيىۋ، شۇ كۈنى ئوقۇغۇچىلار كىيىۋ شەھەر مەركىزىدىكى مۇستەقىللىق مەيدانىغا جايلاشقان فونتاندا سۇ چېچىشىپ ئويناپ، ئوقۇش مەۋسۈمىنىڭ ئاخىرلاشقانلىقىنى تەبرىكلىدى.
27-05-2016
    تۈنۈگۈندىن بۇيان بوللىۋودنىڭ داڭلىق ناخشىچىسى ئارىجىت سىڭ ناھايىتى غەلىتە ئۇسۇلدا دىققەت ئوبېيكتى بولۇپ قالدى. ئالدى بىلەن 25-ماي كۈنى، ئۇ تۇيۇقسىز فېيسبۇك بېتىدە ئوچۇق خەت ئېلان قىلىپ سالمان خاندىن ئاشكارا كەچۈرۈم سور...
26-05-2016
جۇڭگو خەۋەر تورىنىڭ 5-ئاينىڭ 26-كۈنىدىكى خەۋىرى، نۇر تورى تەرجىمىسى:     ئامېرىكا «ۋاشىنگىتون كۈندىلىك پوچتا گېزىتى» نىڭ 26-چېسلا خەۋەر قىلىشىچە، ئامېرىكا كالفورنىيە شىتاتىدىكى لاكسېي (Lacksey) ئىسىملىك قىز ۋان گو (Van Go...
26-05-2016
«غەربكە ساياھەت» تىكى ئاز ئۇچرايدىغان پەردە ئارقىسىدىكى سۈرەتلەر
25-05-2016
ئۇنىڭ ئىسمى George Wurtzel، ئۇ بىر ئەما سەنئەتكار، شۇنداقلا ئورمان ئىشچىسى ھەم ئوقۇتقۇچى بولۇپ، ئۇ بىر رەسىم كارىدورى لايىھەلەپ چىقىشنى پىلانلىدى. George ئەمالارمۇ «كۆرەلەيدىغان» بىر سۈرەت ياساپ چىقماقچى بولۇپ، دەسلەپتە ئۆزى...
25-05-2016
ۋال كوچىسى ئۇچۇرلىرى تورىنىڭ 25-ماي خەۋىرى، نۇر تورى تەرجىمىسى:     بلۇمبېرگ ئاگېنتلىقىنىڭ ئىستاتىستىكىسىغا ئاساسلانغاندا، شىياڭگاڭغا بارىدىغان چوڭ قۇرۇقلۇق ساياھەتچىلەر سانى بۇ يىل بىرىنچى پەسىلدە بۇلتۇرقى ئوخشاش ...
24-05-2016
    تۈنۈگۈن كەچ بېيجىڭ ۋاقتى سائەت 22:00دە تېلېۋىزىيە تىياتىرى «خىسلەتلىك قىلىچ5» خۇنەن تېلېۋىزىيە ئىستانسىسى تەرىپىدىن قويۇلۇشقا باشلىدى. بۇ فىلىمدە داڭلىق ئارتىس گۈلنەزەرمۇ ئاساسلىق رول ئالغان. لېكىن بۇ قېتىم ئۇنىڭ ئالغى...
24-05-2016
تاڭ ۋېي (كورىيە) لياڭ يۇڭچى (ئىسپانىيە) مو ۋېنۋېي (گېرمانىيە) لى ۋېن (ئامېرىكا) ما ياشۇ (ئاۋىستىرالىيە) چى ۋېي (كورىيە) يۈەن لى (ئامېرىكا) ...
Powered by Leglek