جۇڭگو ئاخبارات تورىنىڭ 22-مارتتىكى خەۋىرى، باغداش تورىدىن ئىرپان تەرجىمىسى:

چەتئەل مېدىيەلىرىنىڭ خەۋىرىگە ئاساسلانغاندا، ئىراقنىڭ شىمالىدىكى مۇھىم شەھەر موسۇلنى بازا قىلغان ئاشقۇن تەشكىلات «ئىسلام دۆلىتى» قوراللىق كۈچلىرىنىڭ ئامېرىكىنىڭ ھاۋا ھۇجۇمىغا ئۇچرىغان ۋېدىئو يېقىندا ئاشكارىلاندى. بۇ قېتىمقى ھاۋا ھۇجۇمىدا ئاز دېگەندە 25 پۇقرا قازا قىلغان.

خەۋەردە ئىراق مېدىيەلىرىنىڭ ئۇچۇرى نەقىل قىلىنىشىچە، بۇ قېتىمقى ھاۋا ھۇجۇمىدا ئاز دېگەندە 25 پۇقرا قازا قىلغان. يۇقىرىقى سان بىلەن ئەنگلىيە خەلقئارا ھاۋا ھۇجۇمىنى ئىز قوغلاش تەشكىلاتى «ھاۋا ئۇرۇشى» تەشكىلاتى ئېلان قىلغان پۇقرالارنىڭ ئۆلۈم-يېتىم سانى بىلەن بىردەك، مەزكۇر تەشكىلات ئامېرىكا رەھبەرلىكىدىكى بىرلەشمە ئارمىيەنىڭ بۇ قېتىمقى ھاۋا ھۇجۇمىنى بىرلەشمە ئارمىيە قىلغان قىلمىغانلىقىنى ئېنىقلاشقا مۇراجىئەت قىلدى.

«ھاۋا ئۇرۇشى تەشكىلاتى»نىڭ دېيىشىچە، ھاۋا ھۇجۇمىغا ئۇچرىغىنى بىر قەھۋەخانا، بىر دۇكان، بىر سېخ ھەمدە «ئىسلام دۆلىتى» موسۇل ئۇنىۋېرسىتېتىدا تەسىس قىلغان ئاخبارات مەركىزى ۋە يېقىن ئەتراپتىكى ئامانلىق ساقلاش ئۆيى ئىكەن.

خەۋەردە دېيىلىشىچە، ۋەقەدىن ئىلگىرى بەزىلەر پۇقرالارنى دۇكان، مەكتەپ ۋە دوختۇرخانا قاتارلىق ئادەم توپلاشقان جايغا بارماسلىققا ئاگاھلاندۇرغان.