ئەنگىلىيە ‹‹كۈندىلىك پوچتا گېزىتى››نىڭ 5-مايدىكى خەۋىرىگە قارىغاندا ، ئافغانىستانىڭ شەرقىي شىمالىدىكى بەداخشان ئۆلكىسىدىكى ئابۇپالىك كەنتى 2-ماي تاغ گەۋدىسى گۈمۈرۈلۈپ چۈشۈش ئاپىتىدە ۋەيران بولۇپ ، نەچچە مىڭ ئادەم ئۆي-ماكانسىز قالغان . يەرلىك ھۆكۈمەت 500 ئادەمنىڭ قازا قىلغانلىقى ھەمدە يوقاپ كەتكەن 2000 دىن ئارتۇق ئادەمنى كولاپ قۇتقۇزۇشتىن ۋاز كېچىپ ، قۇتقۇزۇش خىزمىتىنى ھايات قالغانلارنى ئورۇنلاشتۇرۇشقا قارىتىلغانلىقىنى ئېيتقان .

نۆۋەتتە ، تاراتقۇلار بۇ كەنتنىڭ ھاۋادىن تارتىلغان سۈرىتىنى ئاشكارىلىغان بولۇپ ، پۈتۈن بىر كەنت 50 مېتىر قېلىنلىقتىكى لاي-پاتقاق ۋە خارابىلىك ئاستىدا قېلىپ ، ھەر كۈنى قاينام-تاشقىنلىققا چۆمىدىغان كەنت ئەمدىلىكتە چوڭ قەبرىستانلىققا ئايلانغان .

ئافغانىستان ئەمەلدارى قازا قىلغانلارنىڭ ئومۇمىي سانى ھەققىدە توختىتىلىپ : ‹‹بۇ سان مەڭگۈ ئېنىقلانماسلىقى مۇمكىن›› دېگەن .