شىنجاڭدا 2011-يىلىدىن باشلاپ يولغا قويۇلغان ‹‹مېيىپلەرنى ھاۋالىلىك بېقىش مۇلازىمىتى›› خەلق تۇرمۇشى قۇرۇلۇشىدىكى مۇھىم تۈر بولۇپ قالدى. 2015-يىلى خەلققە نەپ يەتكۈزۈشتىكى بۇ قۇرۇلۇش شىنجاڭدىكى 36 مىڭ نامرات مېيىپ كىشىگە ھاۋالىلىك بېقىش مۇلازىمىتى تەمىنلەيدۇ.
16-مارت مۇخبىرنىڭ شىنجاڭ مېيىپلەر بىرلەشمىسىدىن ئىگىلىشىچە، 2015-يىلى شىنجاڭدا داۋاملىق تۈردە ‹‹قۇياش نۇرى ئائىلىسى پىلانى›› يولغا قويۇلۇپ، 46 مىليون 270 مىڭ يۈەن مەبلەغ ئورۇنلاشتۇرۇلۇپ، 36 مىڭ نامرات مېيىپ كىشىنى ھاۋالىلىك بېقىش تاماملىنىدىكەن.
شىنجاڭ مېيىپلەر بىرلەشمىسىدىكى مۇناسىۋەتلىك خادىمنىڭ ئېيتىشىچە، ھازىرغا قەدەر شىنجاڭدا بېقىشقا مۇھتاج ئېغىر دەرىجىلىك مېيىپ، روھىي كېسەل، ئەقلىي مەجرۇھ كىشىدىن 75 مىڭى بار ئىكەن، ئېغىر دەرىجىدىكى مېيىپلەر سالامەتلىكىنى ئەسلىگە كەلتۈرۈش، مائارىپ، ئىجتىمائىي سۇغۇرتا قاتارلىق جەھەتلەردە يەنىلا نۇرغۇن قىيىنچىلىقلارغا دۇچ كەلگەن، شۇڭا مېيىپلەرنى ھاۋالىلىك بېقىش مۇلازىمىتى قۇرۇلۇشىغا بولغان سېلىنمىنى يەنىمۇ زورايتىش ناھايىتى زۆرۈر ئىكەن.
ئىگىلىنىشىچە، 2014-يىلى شىنجاڭدا يېڭىدىن ناھىيە دەرىجىلىك ھاۋالىلىك بېقىش مەركىزىدىن تۆتى قۇرۇلغان، ‹‹قۇياش نۇرى ئائىلىسى پىلانى›› ـــ ئەقلىي مەجرۇھ، روھىي كېسەل ۋە ئېغىر دەرىجىدىكى مېيىپلەرنى بېقىش تۈرىدە شىنجاڭدىكى 30337 نەپەر نامرات مېيىپ كىشىنى ھاۋالىلىك بېقىش ۋەزىپىسى تاماملانغان، بۇنىڭغا 39 مىليون 270 مىڭ يۈەن ياردەم مەبلىغى ئاجرىتىلغان.