جاھان ئاگېنتلىقى 26-ماي خەۋىرى؛ لەگلەك تورى تەرجىمىسى: فرانسىيە تاشقى ئىشلار مىنىستىرى لاۋرېنت فابىيۇس ئەسەبى تەشكىلات «ئىراق ۋە شام ئىسلام دۆلىتى» ISIS تەشكىلاتىنىڭ تېخىمۇ كۆپ قىرغىنچىلىق قىلىشىنى چەكلەش ۋە ئىراق بىلەن سۇرىيەنىڭ پارچىلىنىشىنىڭ ئالدىنى ئېلىش ئۈچۈن خەلقئارا بىرلەشمە ئارمىيسىنى كۈچلەندۈرۈش كىرەكلىكىنى ئېيتتى. فابىيۇس فرانسىيە پارلامېنتىدا سۆز قىلىپ ئىراق ھۆكۈمىتىنى ئەيبلىدى ۋە باغدادنىڭ تېخىمۇ كۆپرەك مۇداخىلە قىلىپ ئەسەبى تەشكىلاتقا قارشى ھاۋا ھۇجۇمى قوزغاش قارارىنى تەكىتلىدى. فرانىسيە پايتەختى پارىژ 2-ئىيۇندا 24 دۆلەتنىڭ قاتنىشىدىغان ئامېرىكا رەھبەرلىكىدىكى بىرلەشمە ئارمىيەنىڭ ئەسەبى تەشكىلات ISIS ئىستىراتىگىيەسى مۇنازىرە يىغىنىغا ساھىبخانلىق قىلىدۇ.
ئۆتكەن يىلى سىنتەبىردىن بۇيان ئامېرىكا رەھبەرلىكىدىكى بىرلەشمە ئارمىيە قىسىملىرى ئەسەبى تەشكىلات ISIS قا قارشى ھاۋا ھۇجۇمى قوزغىغان ئىدى، ئەمما بىرلەشمە ئارمىيەنىڭ ھاۋا ھۇجۇملىرى توختىمىغان بولسىمۇ ئەسەبى تەشكىلاتنىڭ ئىراق ۋە سۇرىيەدىكى كېڭىيىشى توختىتىلمىدى. ئەسەبى تەشكىلات يېقىندا ئىراقنىڭ ئەنبار ۋىلايىتى مەركىزى شەھىرى رامادىنى كونترول قىلىۋالدى.