جۇڭگو ئاخبارات تورى 17-مارت تېلېگراممىسى، نۇر تورى تەرجىمىسى:

رۇسىيە سۈنئىي ھەمراھ تورىنىڭ خەۋىرىگە قارىغاندا، ب د ت باش كاتىپى باياناتچىسى ستېفان دۇگارى مۇنۇلارنى بىلدۈرگەن: سۈرىيە دەمەشىق شەھىرى ئەتراپىغا جايلاشقان بىرۇتىن شەھىرىدىكى 20 مىڭدىن ئارتۇق ئاھالىگە يېمەكلىك ۋە دورا يەتكۈزۈلدى. بۇ باياناتچى مۇنداق دېگەن، بىرلەشكەن دۆلەتلەر تەشكىلاتىنىڭ ئىنسانپەرۋەرلىك ئاپتوموبىل ئەترىتى 16-مارت يولغا چىقىپ دەمەشىق ئەتراپىدىكى يېزىلارغا بارغان. ئۇ شۇنىڭ بىلەن بىر ۋاقىتتا مۇنۇلارنى كۆرسەتكەن، «بىرلەشكەن دۆلەتلەر تەشكىلاتى سۈرىيەدىكى يېقىنلىشىش بولغان ۋە قورشاۋدا قالغان رايونلاردىكى ئاھالىلەرنى ئۇزاق مۇددەتلىك، توسالغۇسىز يول بىلەن تەمىنلەشكە داۋاملىق مۇراجىئەت قىلىدۇ». ب د ت نىڭ مۆلچەرىچە ئۇ يەرلەردىكى ئادەملەرنىڭ سانى 4600 ئىكەن.

خەۋەردە كۆرسىتىلىشىچە، ب د ت ئىنسانپەرۋەرلىك تارماقلىرى سۈرىيە ھۆكۈمىتىنىڭ رۇخسىتىنى ئالغاندىن كېيىن، 1- ئايدىن باشلاپ، سۈرىيەدىكى قورشاۋدا قالغان شەھەرلەرگە يېمەكلىك ۋە دورا يەتكۈزۈپ بەرگەن. ب د ت باش كاتىپى باياناتچىسى مۇنداق دېگەن، بۇ يىل كىرگەندىن بۇيان، تەخمىنەن 238 مىڭ كىشى يېمەكلىك ۋە داۋالاش ياردىمىگە ئېرىشتى. شۇنداقتىمۇ، ب د ت نىڭ مۆلچەرىگە ئاساسلانغاندا، ئاپتوموبىللار يېتىپ بارالمايدىغان رايونلاردا تۆت مىليون 600 مىڭدىن كۆپرەك ئادەم بار ئىكەن. 3-ئاينىڭ 14-كۈنى،  ب د ت، سۈرىيە ۋەزىيىتى خەتەرلىك بولغاچقا، مەزكۇر دۆلەتنىڭ موتورئاسىيا، زابادانى، فۇئا ۋە كېفۇلايا ب قاتارلىق قورشاۋدا قالغان شەھەرلەرگە توشۇلۇۋاتقان ئىنسانپەرۋەرلىك ماددىي ئەشيالىرىنى ۋاقتىنچە توختىتىدىغانلىقىنى جاكارلىغان.