بوغدا كۆلى مەنزىرە رايونى (ماتېرىيال سۈرەت)

شىنجاڭ ئۇيغۇر ئاپتونوم رايونلۇق تەرەققىيات ۋە ئىسلاھات كومىتېتى تورى 17-مارت قاناس مەنزىرە رايونى ئىشىك بېلىتىنىڭ ئەسلىدىكى 150 يۈەندىن 185 يۈەنگە، بوغدا كۆلى مەنزىرە رايونى ئىشىك بېلىتىنىڭ ئەسلىدىكى 100 يۈەندىن 125 يۈەنگە تەڭشەلگەنلىكىنى ئېلان قىلغان.
ئاپتونوم رايونلۇق تەرەققىيات ۋە ئىسلاھات كومىتېتىنىڭ ئۇقتۇرۇشىدا، قاناس مەنزىرە رايونىدا ساياھەتچىلەر سېتىۋالغان بىر بېلەتنىڭ ئىككى كۈن كۈچگە ئىگە ئىكەنلىكى، ساياھەتچىلەر تۇنجى كۈنى سېتىۋالغان ئىشىك بېلىتى بىلەن ئىككى كۈن ئىچىدە خالىغانچە بۇ مەنزىرە رايونىغا كىرىپ چىقسا بولىدىغانلىقىنى ئېيتقان.
بۇنىڭدىن ئىلگىرى ئاپتونوم رايونلۇق تەرەققىيات ۋە ئىسلاھات كومىتېتى بەش مەنزىرە رايونىنىڭ ئىشىك بېلىتىنىڭ تەڭشەلگەنلىكىنى ئېلان قىلغان بولۇپ، ھازىرغىچە جەمئىي يەتتە مەنزىرە رايونىنىڭ ئىشىك بېلىتى تەڭشەلگەن.
ئالاقىدار بەلگىلىمىلەرگە ئاساسەن، بالىلار، ياشلار-ئۆسمۈرلەر، ياشانغانلار، مېيىپلار، ۋەزىپە ئۆتەۋاتقان ھەربىيلەر ھەمدە ساياھەت ئۆمەكلىرى ئېتىبارلىق بېلەتتىن بەھرىمان بولىدىكەن.