قۇمۇل راكېتا دېھقانچىلىق مەيدانىنىڭ تۇنجى نۆۋەتلىك « مودەنگۈل بىلەن ۋەدىلىشەيلى » باش تېمىسىدىكى مەدەنىيەت بايرىمى 17-ماي باشلاندى.
بۇ نۆۋەتلىك مودەنگۈل بايرىمىغا ھەر خىل سورتتىكى مىڭ تۈپتىن ئارتۇق مودەنگۈل ھەمدە چوغلۇق، ئەتىرگۈل قاتارلىق يۈز خىلدىكى گۈل-گىياھلار ساياھەتچىلەرنىڭ ھەقسىز ھوزۇرلىنىشىغا سۇنۇلدى، بۇنىڭدىن باشقا يەنە تەيجى چامباشچىلىقى، تەيجى شەمشەرچىلىكى، مىللىي ناخشا-ئۇسسۇل، فوتو سۈرەت ئەسەرلەر كۆرگەزمىسى، نەپىس قول ھۈنەر سەنئىتى، مۇكاپاتلىق زېھىن سىناش قاتارلىق مول مەزمۇندىكى سەرخىل پائالىيەتلەر ئۆتكۈزۈلۈپ، ساياھەتچىلەرنى جەلپ قىلدى.
ئىگىلىنىشىچە، مودەنگۈل بايرىمىنىڭ ئېچىلىش مۇراسىمى كۈنى مودەنگۈلدىن ھوزۇرلىنىش ئۈچۈن كەلگەن ساياھەتچىلەر 10 مىڭدىن ئاشقان.