ۋاڭيى تەنتەربىيىسى 5-ئاينىڭ 26-كۈنى خەۋىرى لەگلەك تورى تەرجىمىسى

بېيجىڭ ۋاقتى 5-ئاينىڭ 26-كۈنى 19：30 ئۆتكەندە 2015-مۇسابىقە پەسلى ئاسىيا ئۇزغۇنلۇقىنى تالىشىش بىرلەشمىسىنىڭ سەككىز كۈچلۈكنى تالىشىش مۇسابىقىسىنىڭ كېيىنكى قېتىملىق ئۇچرىشىشدىكى بىر مەيدان كۆز يىكىلىۋاتقان مۇسابىقە بېيجىڭ ئىشچىلار تەنتەربىيە مەيدانىدا بېيجىڭ گوئەن كۇلۇبى بىلەن كورىيە چۈەنبېي خيۇنداي كۇلۇبى ئوتتۇرسىدا ئېلىپ بېرىلدى. 90 مىنۇتلۇق قىزغىن مۇسابىقىدىن كېيىن بېيجىڭ گوئەن كۇلۇبى ئۆز مەيدانىدا 1-0 كىچىك نومۇر پەرقى بىلەن ئۇتتۇرۇپ ئومۇمىي نومۇر 2-1 نەتىجە بىلەن سەككىز كۈچلۈك قاتارىغا كىرەلمىدى. 

مۇسابىقىنىڭ 72-مىنۇتىدا زاپاس ئەزا سۈپىتىدە مەيدانغا چىققان چۈەنبېي خيۇنداي كۇلۇبىنىڭ توپچىسى ئەيدۇ لى زەيچېڭ بەرگەن چىرايلىق پاسنى ئېلىپ ۋاراتارغا كىرۈزدى.ئاندىن يەنە ئەيدۇ بىلەن لىئاننادو قاتارلىقلارنىڭ تەپكەن توپلىرى ۋاراتارنىڭ تۈۋرۈكىە تەگدى. قۇشۇپ بېرىلگەن ۋاقىتتا گوئەن كۇلۇبىنىڭ توپچىسى جوۋ تىڭ قەستەن ئادەم دەسسەپ قائىدىگە خىلاپلىق قىلغاچقا قىزىل كارتا يەپ مەيداندىن چۈشۈپ كەتتى.

بېيجىڭ گوئەن كۇلۇبى 3 مەيدان ئۇتۇش 2 مەيدان تەڭلىشىش 1 مەيدان ئۇتتۇرۇشتەك نەتىجىسى بىلەن G گۇرۇپپىنىڭ بىرىنچىسى بۇلۇپ چىققانىدى. چۈەنبېي خيۇنداي كۇلۇبى بولسا ئوخشاش نەتىجە بىلەن E گۇرۇپپىنىڭ ئىككىنچىسى بۇلۇپ چىققان. 8 كۈچلۈككە كىرىش مۇسابىقىسىنىڭ بىرىنچى قېتىملىق ئۇچرىشىشدا بېيجىڭ گوئەن كۇلۇبى مېھمان مەيداندا 1-1 تەڭلىشىپ قالغانىدى. ئىككى تەرەپ ئۈچ خىل مۇسابىقە سىزىقىدا ئۇدا يەتتە مەيدان ئۇتتۇرماسلىق نەتىجىسىنى ياراتقان بۇلۇپ گوئەن كۇلۇبى 4 مەيدان ئۇتۇپ 3 مەيدان تەڭلەشكەن. خيۇنداي كۇلۇبى بولسا 5 مەيدان ئۇتۇپ 2 مەيدان تەڭلەشكەن. 

بېيجىڭ گوئەن كۇلۇبى ئەسلى بۇ مەيدان ساھىبخان مەيداندىكى مۇسابىقىدە 0-0 تەڭلەشكەن بولسا ياكى 1-0 كىچىك نومۇر پەرقى بىلەن رەقىبىنى مەغلۇپ قىلالىغان بولسا 8 كۈچلۈككە كىرەلىگەن بولاتتى. ھەمدە بۇ مۇسابىقە تۈرىدە كۇلۇب تارىخىدىكى ئەڭ ياخشى مۇسابىقە نەتىجىسى ياراتقان بولاتتى. بىراق 0-1 ئۇتتۇرۇپ قۇيۇپ ھەممىدىن قۇرۇق قالدى.