OPPO R7ئائىلىسىدىكى ئەڭ يۇقىرى سەپلىمىلىك يانفون OPPO R7 Plus نىڭ بازارغا كىرگىنىگە تۆت ئاي بولغان بولۇپ، OPPO شىركىتى يىقىندا بۇ تۈردىكى يانفونلارنىڭ باھاسىنى تۇنجى قېتىم چۈشۈرگەن. بۇنىڭ ئىچىدە، ئەسلى باھاسى 3299 يۈەنلىك OPPO R7 Plus نىڭ باھاسى 300 يۈەن چۈشۈرۈلۈپ، 2999 يۈەندىن سېتىلغان؛ ئۇنىڭ كۆچمە خەۋەرلىشىش نۇسخىسىنىڭ باھاسى يەنە 100 يۈەن چۈشۈرۈلۈپ، 2899 يۈەنگە تەڭشەلگەن.

OPPO R7 Plus يانفونى ھەممىباب تور نۇسخىسى بىلەن كۆچمە خەۋەرلىشىش نۇسخىسىنىڭ ئاساسلىق پەرقى ئۇنىڭغا ئىشلىتىلگەن SoC ئۆزەكچىسىدە ئىكەن، ھەممىباب نۇسخىسىغا كۇۋالكوم 615 تىپلىق بىر تەرەپ قىلغۇچ ئىشلىتىلگەن بولۇپ، تېلېگراف تورىنى قوللاش ئىقتىدارى ئارتۇقكەن. كۆچمە خەۋەرلىشىش نۇسخىسىغا لىيەنفاكې MT6795T تىپلىق بىر تەرەپ قىلغۇچ سەپلەنگەن بولۇپ، ئەسلى ھالەتتە كۆچمە خەۋەرلىشىش 4G تورىنى قوللايدىكەن، ياردەمچى قوراللار ئارقىلىق بىرلەشمە خەۋەرلىشىش 4G تورىنى قوللاش ئىقتىدارىغا ئىگە قىلغىلى بولىدىكەن، شۇڭا، ئەمەلىيەتتە كۆچمە ۋە بىرلەشمە خەۋەرلىشىشنىڭ قوش 4G تورىنى قوللايدۇ دېيىشكە بولىدىكەن.

باشقا سەپلىمىلىرى ئاساسەن ئوخشاش بولۇپ، 3GB لىق ئىچكى ساقلىغۇچ، 32GB لىق ئاساس ساقلىغۇچ، بەش مىليون ۋە 13 مىليون پىكسېللىق كامېرا، ئېنىقلىق دەرىجىسى 1080P بولغان 6.0 دىيۇملۇق ئېكرانى ۋە 4100 مىللىئامپىرلىق باتارىيە قاتارلىقلار سەپلەنگەن. VOOC تېز سۈرئەتلىك زەرەتلەش تېخنىكىسى قوللىنىلغان بولۇپ، 1.5 سائەتتە تولۇق زەرەتلىنىپ بولىدىكەن، توك سەرپىيات ۋاقتىمۇ ئۇزۇن بولۇپ، بۇمۇ OPPO R7 Plus يانفونىدىكى بىر يارقىن نۇقتىغا ۋەكىللىك قىلىدىكەن.