ئىككى نەپەر قاپ يۈرەك ئېكىسپىدىتسىيەچى ئامېرىكىنىڭ ئالىياسكا شىتاتىدىكى مېندىخول مۇز داۋىنىغا يېتىپ كەلدى . بىر ئادەم ئاران پاتقۇدەك يېرىقتىن ئارغامچا بىلەن ئېسىلىپ 1600 مېتىر چوڭقۇرلۇقتىكى جايغا چۈشتى ، ھەمدە مۇزلۇقنىڭ ئەڭ چوڭقۇر يېرىدە سەككىز سائەت تۇردى . ئاندىن ئاستا ئاستا يامىشىپ يەر يۈزىگە قايتىپ چىقتى . بۇ جەرياندا ئۇلار ئادەمنى ھەيران قالدۇرغىدەك رەسىملەرنى تارتىۋالدى . مۇزلۇقنىڭ ئاستى قىسمىنىڭ رەڭگى ناھايىتى سۈرلۈك ھەم ھەيۋەتلىك قېنىق كۆك رەڭدە بولۇپ ، ئۈستى قىسىمىدىكى مۇز قاتلىمى قارىماققا خۇددى بېلىقلار ئۈزۈپ يۈرگەن دېڭىزغا ۋە قۇشلار پەرۋاز قىلىۋاتقان ئاسمانغا ئوخشايتتى . يېرىم سۈزۈك مۇز قاتلىمى قۇياش نۇرىنى
سۇندۇرۇپ ناھايىتى سۈرلۈك كۆك رەڭلىك نۇر چاقنىتاتتى .

ئېكىپىدىتسىيىچىلەر قۇدۇققا ئوخشايدىغان بىر مۇز ئازگىلىدىن بۇ ئاستى كۆرۈنمەيدىغان يېرىقنى بايقىدى ، بىر كىچىك دەريانىڭ سۈيى بىۋاستە مۇشۇ يېرىققا ئېقىپ كىرەتتى ، ئەينەكتەك سىلىق مۇز ۋە ئېقىپ چۈشكەن سۇنىڭ غايەت زور شاۋقۇنى بۇ قېتىملىق ۋەزىپىگە زور قىيىنچىلقلارنى ئېلىپ كەلگەن . ئۇلار بۇ قېتىمقى ۋەزىپىنى مۇنداق تەسۋىرلىدى: بىز خۇددى ئارغامچىنىڭ ئۈستىگە چىقىۋالغان چۈمۈلىگە غايەت زور كۆك رەڭلىك چېركاۋنىڭ ئۈستىدىن
ئۆمىلەپ چۈشۈۋاتقانغا ئوخشاش ، ئۈستىمىزدىن توختىماي سۇ چۈشۈپ تۇرىدۇ، ئۇنىڭ ئۈستىگە قۇلاق تۈۋىمىزدە توختىماي جاراڭلاپ تۇرغان شاۋقۇن ئەس-ھۇشىمىزنى يوق قىلىۋەتتى. ئېكىپېدىتسىيىچىلەر سەككىز سائەت سەرپ قىلىپ يېرىقنىڭ ئاستىغا يېتىپ باردى ، يەر يۈزىدىن چوڭقۇرلۇقى 1600 مېتىر كېلىدۇ ، لېكىن مۇز داۋاننىڭ گۈزەللىكى ئېكىسپىدىتسىيىچىلەرگە ئۇنىڭ خەتىرىنى ئۇنتۇلدۇردى.