تەيۋەن «بىرلەشمە گېزىتى» نىڭ خەۋىرىگە ئاساسلانغاندا، تەيۋەنلىك لياۋ فامىلىلىك بىر ئايال لى فامىلىلىك ئەر-خوتۇندىن ئايلىق ئىجارىسى 6000 سوملۇق ئۆي ئىجارە ئالغان بولۇپ، بۇلتۇر 11-ئايدىن باشلاپ ئۆي ئىجارىسىنى تاپشۇرۇشنى باشلىغان. تۈنۈگۈن، يەنى 17-چېسلا، لى فامىلىلىك ئەر-خوتۇن ئىجارە تۇرغۇچى لياۋ فامىلىلىك ئايالغا ئۆيدىن كۆچۈپ كېتىشى كېرەكلىكىنى ئېيتقان. لياۋ فامىلىلىك ئايال ئۆي ئىگىلىرى بىلەن جېدەللىشىپ قېلىپ، لى فامىلىلىك بوۋاينى بىرنى تەپكەن. شۇنىڭ بىلەن ئۇ بوۋاي يىقىلىپ چۈشۈپ، ھوشىدىن كېتىپ دوختۇرخانىغا ئاپارغان بولسىمۇ، قۇتقۇزۇش ئۈنۈم بەرمەي ئۆلۈپ كەتكەن. ھازىر ساقچى تەرەپنىڭ رازۋېدكا قىلىپ تەكشۈرۈۋاتىدۇ. تەپتىش مەھكىمىسى جەسەتىنى ئاناتومىيەلىك تەكشۈرۈپ، لى فامىلىلىك بوۋاينىڭ ئۆلۈش سەۋەبى ئېنىقلىماقتا.

       ساقچى تەرەپنىڭ تەكشۈرۈپ ئېنىقلىشىچە، 80 ياشلىق لى فامىلىلىك بوۋاي ۋە ئايالى بۇلتۇر 4-ئايدىن باشلاپ، ئايلىق ئىجارە ھەققى 6000 سوملۇق بىر يۈرۈش ئۆينى 51 ياشقا كىرگەن لياۋ فامىلىلىك ئايالغا ئىجارە بەرگەن. لياۋ فامىلىلىك ئايالنىڭ مۇقىم خىزمىتى بولمىغاچقا، ئۆينىڭ ئىجارە پۇلىنى ئالدىنقى يېرىم يىلدا نورمال تۆلىگەن. بۇلتۇر 11-ئايدا باشلاپ ئىجارە ھەققى نېسى قېلىشقا باشلىغان. بوۋاي ۋە ئايالى تۈنۈگۈن چۈشتە، لياۋ فامىلىلىك ئايالنى ئىزدەپ كېلىپ ئۆي ئىجارىسىنى تاپشۇرۇشنى، ئەگەر ئۆي ئىجارىسىنى تاپشۇرمىسا، دەرھال ئۆيدىن كۆچۈپ كېتىشى كېرەكلىكىنى ئېيتقان. لېكىن ئىككى ئايال ئوتتۇرىدا گەپ تالىشىپ قېلىپ، غەلۋە بارغانسېرى يوغىناپ لياۋ فامىلىلىك ئايال لى فامىلىلىك بوۋاينىڭ خوتۇنىنى يەرگە بېسىۋالغان. ھەم قولىغا ئەينەك پارچىسى ئېلىپ بېشىغا ئۇرغان ۋە قان بۇلدۇقلاپ ئېقىشقا باشلىغان. ئارىلىقىدا بوۋايمۇ قوشۇلۇپ سوقۇشۇپ كەتكەن. لياۋ فامىلىلىك ئايال بوۋاينىڭ بېشىغا بىرنى تېپىپ بوۋاينى ھوشىدىن كەتكۈزۈپ قويغان. شۇنىڭ بىلەن ئۇ ئىككى ئايال دېلو مەلۇم قىلىپ، بوۋاينى دوختۇرخانىغا ئىلىپ بارغان.

       لياۋ فامىلىلىك ئايال ساقچى ئىدارىسىگە ئېلىپ كېلىنگەندە بەك جىددىيلىشىپ كەتكەنلىكىدىن تامغا بېشىنى ئۇرماقچى بولغاندا، ساقچىلار دەرھال توسۇۋالغان. لياۋ فامىلىلىك ئايالنىڭ يېنىدىن بىر قۇتا دورا چىققان بولۇپ، بۇ ئەسلى ئۇ ئايالنىڭ مۇشۇ دورىغا تايىنىپ نېرۋىسىنى تىنچلاندۇرۇپ كېسەللىك ئەھۋالىنى كونترول قىلىدىغانلىقىنى بىلگەن. لېكىن ئايال بوۋايغا زىيانكەشلىك قىلغانلىقىنى ئىنكار قىلدى. بوۋاينىڭ زىققە كېسىلى بار بولۇپ، سول تىزى ۋە ئوڭ قولى يارىلانغان. ئۆلۈش سەۋەبى جەسەت تەكشۈرۈش نەتىجىسى چىققاندىن كېيىن ئاندىن قارار قىلىنىدىكەن.