19-ماي ، قەشقەر ۋىلايىتى مەكىت ناھىيە قۇمقۇدۇق مازار كەنتىدىكى يېزا دوختۇرى كېرەم ئەمەت كەنتتىكى بالىلارنىڭ سالامەتلىكىنى تەكشۈرمەكتە

19-ماي ، قەشقەر ۋىلايىتى مەكىت ناھىيە قۇمقۇدۇق مازار كەنتىنى توپا-چاڭ قاپلاپ كەتكەنىدى . تېرىلىرى قارىداپ ، ئورۇقلاپ كەتكەن كېرەم ئەمەت دورا ساندۇقىنى ئېسىپ ، موتوسىكلىتىنى مىنگىنىچە كەنتتكە كىرىپ كەلدى . بۇ كەنتتە دەرەخلەر ئاز ، قۇم-بوران كۆپ بولۇپ ، كېرەم ئەمەت توپتوغرا 48 يىلنى بۇ يەردە دوختۇرلۇق قىلىپ ئۆتكۈزدى . بۇ كەنت تەكلىماكان قۇملۇقىنىڭ گىرۋىكىگە جايلاشقان . ‹‹ كەنتلەرنى تۇتاشتۇرۇش ›› تاشيولى كەنتتىكى ھەممە گۇرۇپپىلارنى كېسىپ ئۆتمەيتتى ، بۇنىڭ ئىچىدە ئىككى گۇرۇپپا ئادەم بارمايدىغان قۇملۇقنىڭ چېتىگە جايلاشقان . كېرەم ئەمەت كەنتتىكىلەرنىڭ كېسىلىنى كۆرۈشتە مانا مۇشۇ چاڭ-توزانلىق يول ئارقىلىق باراتتى .

ئاپتونوم رايونلۇق ئىقتىساد ۋە ئۇچۇرلاشتۇرۇش كومىتېتىنىڭ مەزكۇر يېزىدا تۇرۇشلۇق خىزمەت گۇرۇپپىسىنىڭ باشلىقى جاۋ شېڭچېڭ مۇنداق دېدى : بۇ يولدا ئادەم سەللا ئېھتىيات قىلمىسا يېقىلىپ چۈشىدىكەن ، قۇم-بورانلىق ھاۋارايى كۆرۈلسە، كۆزنىمۇ ئاچقىلى بولمايدىكەن .

بۇ يولدا ئېشەكلا كېرەم ئەمەتنىڭ سادىق ھەمراھى ئىدى .

كەنت ئاھالىسى مەمەت ئابدۇقېيۇم تېلېفوندا مۇنداق دېدى : 1995-يىلى بىز ناھىيە بازىرىدىن 40 نەچچە كىلومېتىر يىراقتىكى چۆللۈكتىكى ئۆستەڭنى رېمونت قىلىغىلى باردۇق ، بىر كۈنى كەچتە ، مېنىڭ تۇيۇقسىز تۇتقاقلىق كېسىلىم قوزغىلىپ ، پۈتۈن بەدىنىم تارتىشىپ ، يەردە ئېغىناپ كېتىپتىمەن . كېرەم ئەمەت بىر تەرەپتىن ماڭا تەسەللىي بەرگەچ ، يەنە بىر تەرەپتىن قولىنى ئاغزىمغا تىقىپ ، مېنىڭ تىلىمنى چىشلىۋېلىشىمنىڭ ئالدىنى ئاپتۇ ، شۇ كۈنى كەچتە كېرەم ئەمەت ئېشەك ھارۋىسىنى سەككىز سائەتتىن ئارتۇق تېزلىكتە ھەيدەپ مېنى دوختۇرخانىغا ئاپاردى ، دوختۇر سەللا كېچىككەن بولساڭلار، ھاياتىمنىڭ خەۋپكە ئۇچرايدىغانلىقىنى ئېيتتى .