يەر شارى خەۋەر تورى 12-ماي خەۋىرى؛ لەگلەك تورى تەرجىمىسى؛ ئامېرىكا ھۆكۈمىتى، تېرور تەشكىلاتى «ئەل قائىدە» بازا تەشكىلاتىنىڭ كاتتىۋېشى ئۇسامە بىن لادىننىڭ ئۆلتۈرۈلۈشى ھەققىدە جەمئىيەتكە يالغان خەۋەر تارقىتىلغان دىگەن قاراشنى ئىنكار قىلدى. ئامېرىكىدىكى «Pulitzer» مۇكاپاتىغا ئېرىشكەن مۇخبىرSeymour Hersh ، London Review of Books تور بېتىدە ئېلان قىلغان ماقالسىىدە، تېرور تەشكىلاتى ئەلقائىدەنىڭ رەھبىرى ئۇسامە بىن لادىننىڭ ئۆلتۈرۈلۈشى ھەققىدە ئامېرىكا ھۆكۈمىتىنىڭ دۇنياغا يالغان خەۋەر تارقاتقانلىقىنى، بىن لادىننىڭ 2011-يىلى ئۆلتۈرۈلگەن ۋاقىتتا نەخ مەيداندا يوقلىقى ۋە 2006-يىلىدىن بۇيان پاكىستان ئاخبارات ئىدارىسى تەرىپىدىن تۇتقۇن قىلىنىۋاتقانلىقىنى ئېيتقان ئىدى. ئاق ساراي ۋە بەش بۈرجەكلىك بىنا بۇ خەۋەرنى ئىنكار قىلدى. مۇخبىر Hersh، ئامېرىكا ئاخبارات ئىدارىسىنىڭ دەم ئېلىشقا چىققان بىر خادىمىدىن نەقىل قىلغان ئۇچۇرىدا، بىن لادىننىڭ تۇتۇش ھەرىكىتى جەريانىدا ئۆلتۈرۈلگەنلىكى خەۋىرىنىڭ توغرا ئەمەسلىكىنى، بىن لادىننىڭ ئۆيىگە ھۇجۇم قىلىنىشتىن بۇرۇن مەزكۇر رايۇندىن ئايرىلغانلىقىنى ئېيتقان. ۋە بىن لادىننىڭ دەپنە قىلىنىشى ھەققىدىكى خەۋەرنىمۇ توغرا ئەمەس دىگەن.
مۇخبىر Hersh 1970-يىلى ئامېرىكا ئاخباراتىنىڭ ئەڭ ئىناۋەتلىك مۇكاپاتى بولغان «Pulitzer» مۇكاپاتىغا ئېرىشكەن ئىدى.
ئاق ساراي باياناتچىسى Josh Earnest ، بۇ خەۋەرنىڭ تامامەن يالغان ئىكەنلىكىنى، بىن لادىننى تۇتۇش ھەرىكىتىگە ئوباما ۋە ئامېرىكا مەركىزى ئاخبارات ئىدارىسى «CIA»نىڭ سابق مۇئاۋىن باشلىقى Mike Morellنىڭ نازارەتچىلىك قىلغانلىقىنى، ئوباما ھۆكۈمىتى ۋە مايك مورىلنىڭ بۇ خەۋەرنى يالغان دىگەنلىكىنى بىلدۈردى.
ئامېرىكا بەش بۈرجەكلىك بىنا دۆلەت مۇداپىئە مىنىستىرى باياناتچىسى ستېۋ ۋارىن، بۇ خەۋەرنىڭ ئويدۇرما ئىكەنلىكىنى ئېيتتى.