ئامېرىكا تاراتقۇلىرىنىڭ 10-ئۆكتەبىر خەۋەر قىلىشىچە ، غەربىي ئاۋستىرالىيە ئىشتاتىنىڭ پاس شەھىرىدىكى فوتوگراف كولېن ساياھەت قىلىش جەريانىدا كوتېسلو ساھىلىدىن ئۆتۈپ كېتىۋېتىپ، يۇمىلاق شەكىللىك ھەسەن-ھۈسەننى سۈرەتكە تارتىۋالغان .

كولېن بۇ خىل مەنزىرىنىڭ ناھايىتى ئاز ئۇچرايدىغانلىقىنى ، بۇ مەنزىرىنى سۈرەتكە تارتىشنىڭ ئىنتايىن قىيىن ئىكەنلىكىنى ئېيتقان .

ئۇ مۇنداق دېگەن : بىز ئەينى چاغدا بىر قېتىملىق يۇقىرى بوشلۇقتىن سۈرەتكە تارتىش سەپىرىنى ئاياغلاشتۇرۇپ قايتىۋاتقان ئىدۇق ، شۇ چاغدا تىك ئۇچار ئايروپىلان بىر ئۆتكۈنچى يامغۇر رايونىدىن ئۆتتى ، قۇياشمۇ تاغ كەينىگە ئۆتكەن بولۇپ ، ئورنى ئىنتايىن تۆۋەن ئىدى ، بۇ چاغدا دەل بىزنىڭ ئالدىمىزدىلا بۇ غەلىتە ھەسەن - ھۈسەن پەيدا بولدى . شۇنىڭ بىلەن مەن ئۇنى سۈرەتكە تارتىۋالدىم.

ئامېرىكا دۆلەتلىك ئالەم بوشلۇقى ئىدارىسى (NASA) نىڭ تونۇشتۇرۇشىچە ، يۇمىلاق ھەسەن - ھۈسەن ھادىسىسى بىلەن كۈزەتكۈچىلەرنىڭ ئورنىدا ناھايىتى زور پەرق بار ئىكەن ، بۇ ھەسەن -ھۈسەن ئاساسلىقى يامغۇر تامچىسىنىڭ قۇياش نۇرى ئىچىدە نۇر قايتۇرۇشىدىن شەكىللەنگەن ئىكەن .