ئۈرۈمچىدىكى مەھەللە كۆكتات بىۋاستە سېتىش نۇقتىلىرىدا «قارا تىزىملىك» تۈزۈمى يولغا قويۇلدى    شىنجاڭ شەھەر گېزىتى خەۋىرى: ئۈرۈمچىدىكى كۆكتات بىۋاستە سېتىش نۇقتىلىرىدا سىنتەبىردىن باشلاپ «قارا تىزىملىك» تۈزۈمى يولغا قويۇلۇپ، چېكىندۈرۈش مېخانىزمى قاتتىق ئىجىرا قىلىنىدىكەن. كۆكتات بىۋاستە سېتىش نۇقتىلىرىدا بىر يىل ئىچىدە بەش ۋە بەش قېتىمدىن ئارتۇق قائىدىگە خىلاپ قىلمىش بايقالسا دۇكان باشقۇرغۇچىسىنى ئالماشتۇرۇش ھەمدە شۇ دۇكان باشلىقى كۆكتات بىۋاستە سېتىش نۇقتىسىدىكى خىزمەت قارا تىزىملىكىگە كىرگۈزۈلۈپ، بىۋاستە سېتىش نۇقتىسىدا ئىگىلىك باشقۇرۇش خىزمىتىنى بىلەن شۇغۇللىنىش سالاھىيىتى ئېلىپ تاشلىنىدىكەن.

   ئىگىلىنىشىچە، ئۈرۈمچى شەھەرلىك سىياسىي كېڭەش 31-ئاۋغۇست 2015-يىلىدىكى نۇقتىلىق تەكلىپ لايىھەسىنى بېجىرىش مەخسۇس نازارەت قىلىپ كۆزدىن كەچۈرۈش پائالىيىتىنى ئۆتكۈزگەن. ئۈرۈمچى شەھەرلىك سودا ئىشلىرى ئىدارىسى (ئاشلىق ئىدارىسى) نىڭ مۇئاۋىن باشلىقى تۇرسۇن ئەيسانىڭ تونۇشتۇرىشىچە، قارا تىزىملىك تۈزۈمى بىۋاستە سېتىش نۇقتىسى دۇكان باشقۇرغۇچىسىغىلا قارىتىلغان بولماستىن، قارا تىزىملىككە كىرگۈزۈلگەن تىجارەت كارخانىلىرىنىڭمۇ بىۋاستە سېتىش نۇقتىلىرىدىكى تىجارەت كارخانا سالاھىيىتى ئېلىپ تاشلىنىدىكەن. بۇ كارخانىلار ئۈرۈمچى ئەتراپىدىكى بىۋاستە سېتىش نۇقتىلىرىدا بىۋاستە سېتىش نۇقتىسى ئىگىلىك باشقۇرۇش خىزمىتى بىلەن شۇغۇللىنالمايدىكەن.