2015-يىللىق شىنجاڭ خەلق ئاۋىياتسىيەسى خىزمەت يىغىنىدا ئوتتۇرىغا قويۇلۇشىچە، 2015-يىلى شىنجاڭ تۆۋەن تەننەرخلىق ئاۋىياتسىيە شىركەتلىرىنىڭ تەرەققىياتىنى قوللايدىكەن. ئەرەب ئاۋىياتسىيەسىنىڭ ئۈرۈمچىدىن شەرىقەھ شەھىرىگە قاتنايدىغان ئاۋىياتسىيە لىنىيەسى چەت ئەل تۆۋەن تەننەرخلىق ئاۋىياتسىيە شىركىتىنىڭ بۇ يىل شىنجاڭدا تىجارەت باشلىغان تۇنجى خەلقئارا ئاۋىياتسىيە لىنىيەسى ھېسابلىنىدىكەن.

ئەرەب ئاۋىياتسىيەسىنىڭ جۇڭگو رايونىدىكى دىرېكتورى ما لىجۈەننىڭ 20-يانۋار ئاشكارىلىشىچە، بىر يىلدىن ئارتۇق تەييارلىقتىن كېيىن، ئۈرۈمچىدىن شەرىقەھ شەھىرىگە بىۋاستە قاتنايدىغان لىنىيەسىدە 10-فېۋرال تۇنجى رەت قاتناش باشلىنىدىكەن. ھەر چارشەنبە، جۈمە، يەكشەنبە كۈنلىرى نۆۋەتچى ئايروپىلان ئۇچۇش ۋەزىپىسىنى ئورۇندايدىكەن.
ئايروپىلان ئۈرۈمچىدىن سائەت 19:05 دە يولغا چىقىپ، سائەت 20:45 دە شەرىقەھ شەھىرىگە يېتىپ بارىدىكەن.