1. چاي ئىچىشتىكى ئەڭ ياخشى مەزگىل

چاي ئىچىپ بەدەن ئاسراشتىكى ئەڭ ياخشى مەزگىل دەل تاماق يەپ بىر سائەتتىن كېيىنكى مەزگىل. نۇرغۇن كىشىلەر تاماق يەپ بولۇپ ئارقىدىنلا چاي ئىچىشكە ئامراق، بىراق بۇ ئىنتايىن خاتا بىر ئادەت. سەۋەبى: چاينىڭ تەركىبىدە تاننىك كىسلاتاسى بار بولۇپ، ئۇ يېمەكلىك تەركىبىدىكى تۆمۈر بىلەن بىرلىشىپ ئېرىمەسلىك خۇسۇسىيىتى بار تۆمۈر تۇزىنى كەلتۈرۈپ چىقىرىدۇ، بۇ خىل تۆمۈر تۇز ئادەم بەدىنىنىڭ تۆمۈرنى سۈمۈرىشىگە توسقۇنلۇق قىلىدۇ، ۋاقىت ئۇزارغانسېرى قان ئازلىق كېسىلى كېلىپ چىقىدۇ.

2. سۈت ئىچىشنىڭ ئەڭ ياخشى مەزگىل

سۈتنىڭ تەركىبىدە مول كالتسى بار بولۇپ، ئوتتۇرا ياش، ياشانغانلار ھەركۈنى ئۇخلاشتىن بۇرۇن سۈت ئىچىپ بەرسە، سۆڭەكنى ئاسراپ، ئۇيقىنى ياخشىلايدۇ.

3. چىشنى چوتكىلاشنىڭ ئەڭ ياخشى مەزگىل

تاماق يەپ ئۈچ مىنۇت ئۆتكەندىن كېيىن چىشنى چوتكىلاش ئەڭ مۇۋاپىق. چۈنكى بۇ ۋاقىتتا، ئېغىز بوشلۇقىدىكى مىكروبلار يېمەكلىكنىڭ قالدۇقىنى ئاجىرتىپ چىقىشقا باشلايدۇ. بۇنىڭدىن باشقا يەنە كىسلاتالىق يېمەكلىكلەرنىڭ ئاسان چىرىشى چىشنىڭ ئېمال قەۋىتىنى زەخمىگە ئۇچرىتىدۇ.

4. مېۋە يېيىشتىكى ئەڭ ياخشى مەزگىل

تاماقتىن كېيىنكى بىر سائەت دەل مېۋە يېيىشتىكى ئەڭ ياخشى مەزگىل. چۈنكى مېۋە خام يەيدىغان يېمەكلىك بولغاچقا، خام يېمەكلىكتىن كېيىن پىشۇرۇلغان يېمەكلىكنى يېگەندە، بەدەندىكى ئاق قان ھۈجەيرىسى كۆپىيىپ كەتمەيدۇ ھەمدە بەدەننىڭ ئىممۇنىتېت سىستېمىلىرىنى ئاسرايدۇ.

5. ئاپتاپسىنىشتىكى ئەڭ ياخشى مەزگىل

چۈشتىن بۇرۇن سائەت 8~10كىچە، چۈشتىن كېيىن 4~7كىچە بولغان مەزگىل ئاپتاپسىنىشنىڭ ئەڭ ياخشى مەزگىلى. چۈنكى بۇ مەزگىل ئادەم بەدىنىگە پايدىلىق بولغان ئولتىرا بىنەپشە نۇر Aنىڭ ئاساسلىق چۈشۈش مەزگىلى بولۇپ، ئادەم بەدىنىدە ۋىتامىن Aنى ئىشلەپچىقىرىدۇ. بۇنداق بولغاندا ئادەم بەدىنىنىڭ ئېممۇنىتېت سېستىمىلىرىنى كۈچەيتىپ، چارچاشنىڭ، سۆڭەك شالاڭلىشىشنىڭ ئالدىنى ئالىدۇ. بۇنىڭدىن باشقا يەنە تومۇر قېتىشىش كېسىلىنىڭ قوزغىلىش قېتىم سانىنى ئازايتىدۇ.

6. ھۆسۈن گۈزەللەشتۈرۈشتىكى ئەڭ ياخشى مەزگىل

تېرىنىڭ مېتابولىزمى ئەتىگەن سائەت ئالتىدە ئەڭ جانلىق بولۇپ، كەچتە يېتىشتىن بۇرۇن تېرە ئاسراش، ھۆسۈن گۈزەللەشتۈرۈش تەدبىرلىرىنى قوللانغان ۋاقىتتا تېرىنىڭ مېتابولىزمىنى ئىلگىرى سۈرۈپ، تېرىنى ئاسراش مەقسىتىگە يەتكىلى بولىدۇ.

7. پىيادە سەيلە قىلىشنىڭ ئەڭ ياخشى مەزگىلى

تاماقتىن كېيىن 45~60 مىنۇت ئۆتكۈزۈپ، سائىتىگە 4.8 كىلومېتىر تېزلىك بىلەن 20مىنۇت ئاستا يۈگۈرۈپ بەرسە، ئىسسىقلىق ئېنىرگىيەسىنىڭ خورىشى ئەڭ تىز بولۇپ، ئورۇقلاشقا ئىنتايىن پايدىلىق.

8. يۇيۇنۇشنىڭ ئەڭ ياخشى مەزگىلى

ھەركۈنى ئاخشىمى ئۇخلاشتىن بۇرۇن يۇيۇنسا، بەدەننىڭ ھەر قايسى جايلىرىدىكى مۇسكۇللار بوشاپ، قاننىڭ ئايلىنىشىنى تېزلىتىپ، ئۇيقۇنى ياخشىلايدۇ.

9. ئۇخلاشنىڭ ئەڭ ياخشى مەزگىلى

چۈشلۈك ئۇيقىنىڭ ئەڭ ياخشى مەزگىلى چۈشتىن كىيىن بىر ئەتراپىدا بولۇپ، بۇ ۋاقىتتا ئادەم بەدىنىنىڭ سەزگۈسى تۆۋەنلەيدۇ ھەمدە ئاسانلا ئۇخلاپ قالىدۇ. كەچتە سائەت 10~11گىچە بولغان ۋاقىت كەچلىك ئۇيقىنى باشلاشنىڭ ئەڭ ياخشى مەزگىلى. چۈنكى ئادەمنىڭ قاتتىق ئۇيقا مەزگىلى سەھەر سائەت ئۈچ بولغاچقا، ئۇخلاپ بىر يېرىم سائەتتىن كېيىنلا قاتتىق ئۇيقا مەزگىلىنى باشلىۋىتىدۇ.

10. چېنىقىشنىڭ ئەڭ ياخشى مەزگىلى

كەچتە چېنىقىش ئەڭ پايدىلىق. چۈنكى ئادەم ئورگانلىرىنىڭئىقتىدارى چۈشتىن كېيىندىن باشلاپ، قاراڭغۇ چۈشكىچە ئەڭ ئوبدانجارى قىلدۇرۇلىدۇ. ئادەم بەدىنىنىڭ پۇراش سىزېمى، كۆرۈش سەزگۈسى، مېڭە توقۇلمىلىرىجانلانغان مەزگىل بولغاچقا، يۈرەك رېتىمى، قان بېسىم بىر قەدەر تۇراق ھالىتىدە بولۇپ، چېنىقىشقا ئەڭ ماس كېلىدۇ.