يەر شارى خەۋەر تورى 27-ماي خەۋىرى؛ لەگلەك تورى تەرجىمىسى: ئافغانىستان پايتەختى كابۇلنىڭ دىپلوماتىيە رايۇنىدىكى بىر مېھمانخانا قۇراللىق ھۇجۇمغا ئۇچراپ 4 نەپەر قۇراللىق ئۇنسۇر ئېتىۋېتىلدى. كابۇل ساقچى باشلىقى ئابدۇررەھمان رەھىمى ۋەقە يۈز بەرگەن نەخ مەيداندا ئاخبارات ئېلان قىلىپ، ئېغىر ۋە يېنىك تىپتىكى قۇراللار بىلەن قۇراللانغان 4 نەپەر ئۇنسۇرنىڭ كابۇلنىڭ ۋەزىر خان رايۇنىدىكى بىر مېھمانخانىغا ھۇجۇم قىلغانلىقىنى، ئافغانىستان بىخەتەرلىك قىسىملىرىنىڭ قۇرالىق ئۇنسۇرلارنى ئېتىپ تاشلىغانلىقىنى ئېيتتى. رەھىمى، بۇ ۋەقەدە قۇراللىق ئۇنسۇرلاردىن سىرىت مېھمانخانىدىكى كىشىلەر، ئەسكەرلەر ياكى باشقا پۇقرالارنىڭ زىيانغا ئۇچرىمىغانلىقىنى ئېيتىپ، « توقۇنۇش قۇراللىق ئۇنسۇرلار بىلەن ئافغانىستان بىخەتەرلىك قىسىملىرى ئارىىسدا كىچە سائەت 24:00 ئەتراپىدا باشلىنىپ سەھەر سائەت 05:00 تە ئاخىرلاشتى. ئافغانىستان بىخەتەرلىك قىىسملىرى ئىنتايىن ئەتراپلىق ھەرىكەت قوللاندى ۋە شۇڭلاشقا ھېچبىر زىيانغا ئۇچرىمىدى» دېدى.
نەخ مەيداندىكى ۋەقەنى كۆرگەن كىشىلەردىن شەفەق ئەھمەدى، « كىچە ۋاقتىدا ئوق ئاۋازىنى ئاڭلىدىم، كېيىن قاتتىق ئېتشىش باشلاندى. پارتىلاش ئاۋازىنىمۇ ئاڭلىدىم. بىز ئىشخانىمىزدا يۇشۇرۇندۇق، ئىككى تەرەپ قول بومبىلىرى ۋە ئ‍ېغىر قۇراللار بىلەن ئېتىشتى. بىر نەپەر ئافغانىستان ساقچىسىنىڭ ئۆلگەنلىكىنى كۆردۈم» دېدى.
تالىبان ھەرىكىتى باياناتچىسى زەبىھۇللاھ مۇجاھىد بۇ ۋەقەنى ئۈستىگە ئالىدىغانلىقىنى ئېلان قىلىپ، كابۇلنىڭ ئەڭ بىخەتەر رايۇنىدا چەتئەللىكلەر تۇرىدىغان بىر مېھمانخانىغا ھۇجۇم قىلغانلىقىنى، ۋە مېھمانخانىدىكى چەتئەللىكلەرنى ئۆلتۈرگەنلىكىنى ئېيتتى.
يەنە بىر تەرەپتىن ئافغانىستاننىڭ جەنۇبىدىكى قەندەھار رايۇنىدا ئافغانىستا ئارمىيىسىنىڭ تالىبانغا قارشى ھاۋا ھۇجۇمى قوزغىشى نەتىجىسىدە 45 نەپەر قۇراللىق ئۆلتۈرۈلگەن ۋە 40 نەپىرى يارىلانغان.