سىنا تورى خەۋىرى،لەگلەك تورى تەرجىمىسى:

بۈگۈن 2015-يىللىق خۇبېي ئۆلكىسى مەمۇر ئىمتىھان باشلاندى. 100 مىڭدىن ئارتۇق ئىمتىھان بەرگۈچى خۇبېي ئۆلكىسى ۋۇخەن شەھرىدىكى 19 ئىمتىھان نۇقتىسى ئىمتىھانغا قاتناشتى.تۈنۈگۈندىن باشلاپ، ئىمتىھان نۇقتىسى ئەتراپىدىكى مېھمانخانا تولۇپ كەتكەن بۇلۇپ، باھاسى ئادەتتىكىدىن خىلىلا ئۆسكەن.ياتاق ئالالمىغان ئىمتىھان بەرگۈچى ئوقۇغۇچى جاڭ سەييى ئۆزى ئىلىپ كەلگەن چېدىرنى تىكلەپ كېچىنى ئۆتكۈزگەن.

تۈنۈگۈن كەچتە مۇخبىر ۋۇخەن سانائەت پەنلىرى ئۇنىۋېرسىتېتى يېڭى مەكتەپ رايونىدا چېدىر قۇرۇۋاتقان جاڭ سەييىنى ئۇچرىتىپ قالدى.بۇ يىل 27 ياشقا كىرگەن جاڭ سەييى 2012-يىلى خۇبېي ئىككىنچى پېداگوگىكا ئىنستىتۇتىتىنى پۈتكۈزگەن.جاڭ سەييى بۇ يىل جامائەت خەۋپسىزلىك ئورگىنى ئاساسىي قاتلامغا ئىمتىھان بېرىشكە تىزىملاتقان بۇلۇپ، بۇنىڭدىن بۇرۇن ئۇ ئۈچ قېتىم مەمۇر ئىمتىھانغا قاتنىشىپ باققان.بىر ھەپتە ئىلگىرى ئۇ ئىمتىھان نۇقتىسىنىڭ ۋۇخەن سانائەت پەنلىرى ئۇنىۋېرسىتېتى يېڭى مەكتەپ رايونىدا ئىكەنلىكىنى بىلگەندىن كىيىن، توردا ئىمتىھان نۇقتىسى ئەتراپىدىكى مېھمانخانلارنى ئىزدىگەن. ئەمما زەنجىرسىمان مىھمانخانىلار توشۇپ كەتكەنلىكتىن، ھەمدە ئالىي دەرىجىلىك مىھمانخانىلارنىڭ باھاسى قىممەت بولغانلىقتىن ياتاق زاكاز قىلالمىغان.

جاڭ سەييى دالا تەنھەرىكەت ھەۋەسكارى بولۇپ، بۇرۇن نەچچا قېتىم دالىدا قونۇپ قالغان.بۇ قېتىم ۋۇخەنگە كەلگەندە، چېدىرنى بىللە ئېلىپ كەلگەن بۇلۇپ، ياتاق ئالالمىغان ۋاقىتتا چېدىردە تۇرۇشنى قارار قىلغان.

تۈنۈگۈن ئىمتىھان مەيدانىنى كۆرگەندە جاڭ سەييى ئىمتىھان مەيدانى قارشى تەرەپتىكى يېشىل چىملىقنى كۆرگەن.تۈنۈگۈن كەچتە، جاڭ سەييى چىدىرنى تىكلەپ بولغان ھەمدە ئۈستى تەرەپكە قولچىراغنى ئېسىپ تەقلىدى ئىمتىھان سوئاللىرىنى كۆرۈشكە باشلىغان.«بۇ بىر قېتىملىق ئۇنتۇلغۇسىز ئىمتىھانغا قاتنىشىش بولۇپ قالدى. مەن بۇ قېتىم شەھەردە دالىدا تۈنەشنى باشتىن كەچۈردۈم ھەمدە نەچچە يۈز يۈەننى تېجەپ قالدىم.»دېدى جاڭ سەييى كۈلۈپ تۇرۇپ.

تۈنۈگۈن كەچ سائەت 9دا مۇخبىر قايتىقاندا جاڭ سەييى يەنىلا چىدىردا كىتاب كۈرۈۋاتاتتى.

تۈنۈگۈن ياتاق تاپالماي چېدىردا تۈنۈگۈن پەقەت جاڭ سەييىلا ئەمەس.

مۇخبىرنىڭ ئىگەللىشچە، ۋۇخەن سانائەت پەنلىرى ئۇنىۋېرسىتېتى، خۇبېي ئۇنىۋېرسىتېتى قاتارلىق ئىمتىھان نۇقتىسى ئەتراپىدىكى مىھمانخانىلارنىڭ باھاسى ئادەتتىكىدىن كەم دېگەندە 50% ئۆرلەپ كەتكەن.