سىنا تورى خەۋىرى، لەگلەك تورى تەرجىمىسى:

ياپونىيە باش ۋەزىرى شىنزو ئابى شۇ جاي ۋاقتى 4-ئاينىڭ 26-كۈنى ئامېرىكا بوستۇنغا بىرىپ، ئامېرىكىدا بىرھەپتىلىك زىيارىتىنى باشلىۋەتتى.گەرچە شىنزۇ ئابى زىيارەتتىن ئاۋۋال ئامېرىكا-ياپۇنىيە ئىتتىپاقنى پۇختىلاش ھەققىدە سىگنال بەرگەن بولسىمۇ، كۆپلىگەن ئامېرىكا ئانالىزچىلىرى ياپۇنىيە ھۆكۈمىتىنىڭ تارىخ مەسىلىگە تۇتقان پوزىتسىيەسى زىيارەت ئۈنۈمىگە تەسىر ئېلىپ كېلىشى مۇمكىن دەپ قارىدى.ئامېرىكا« بوستۇن جاھان گىزىتى» 4-ئاينىڭ 27-كۈنى ماقالە ئېلان قىلىپ مۇنداق دەپ كۆرسەتتى: ياپونىيەنىڭ تارىخى مەسىلىگە تۇتقان پوزىتسىيەسى شىنزۇ ئابىنىڭ بۇ قېتمىقى ئامېرىكا زىيارىتىگە تەسىر يەتكۈزدىغان ھەل قىلغۇچ ئامىل. شىنزۇ ئابى تارىخقا چوقۇم مەسئۇل بولۇشى كىرەك.

ماقالىدە دېيىشچە، ئىككىنچى دۇنيا ئۇرۇشىدىن كىيىن ياپۇنىيە ئىقتىسادى تىزلا ئەسلىگە كەلگەن ھەمدە ئۇچقاندەك تەرەققىي قىلغان. ھازىر دۇنيادىكى ئىككىنچى چوڭ ئىقتىسادى گەۋدە.ياپونىيەنى ئۆز ئىچىگە ئالغان تىنچ ئوكيان ھەمكارلىق كېلشىمىنىڭ ئىلگىرىلىشىگە ئەگىشىپ، دۇنيانىڭ كېلەچەكتىكى ئىقتىسادىي تەرتىپى باشقىدىن يېزىپ چىقىلىدۇ.بۇنىڭ ھەممىسى ياپونىيەنىڭ سودا،كىلىمات ئۆزگىرىش، يادروسىزلاشتۇرۇش قاتارلىق جەھەتلەردە بارغانسېرى مۇھىم رول ئوينايدىغانلىقىنى چۈشەندۈرىدۇ.

ئەمما خەلقئارا ئورنىنىڭ يۇقىرى كۆتۈرۈلۈشتە ياپونىيە تارىخ مەسىلىگە توغرا قاراشقا تېخىمۇ ئىھتىياجلىق.2015-يىلى ئىككىنچى دۇنيا ئۇرۇشى غەلىبە قىلغانلىقنىڭ 70 يىللىقى. شىنزۇ ئابى ئامېرىكىدا زىيارەت جەريانىدا، ئامېرىكا خەلقى ھەتتا دۇنيا خەلقى شىنزۇ ئابىنىڭ ئىككىنچى دۇنيا ئۇرۇشىدا ئۆتكۈزگەن جىنايەتلىرىگە قارىتا ئەپۇ سورايدىغان-سورىمايدىغانلىقىغا ئىنتايىن كۆڭۈل بۆلىدۇ.

ماقالەدە مۇنداق دېيىلدى: ياپۇنىيە تارىخقا تۇتقان پوزىتسىيەسى ئاسىيا رايونىنىڭ تىنچلىقى ۋە تەرەققىي قىلىش ئومۇمىي ۋەزىيىتىگە چىتىشلىق.ياۋروپا ئىتتىپاقى گېرمانىيەنىڭ تارىخقا تۇتقان سەمىمىيتى ۋە گۇناھىغا توۋا قىلىشى بىلەن تەرەققىي قىلغان. ئوخشاشلا ياپۇنىيە ۋە قوشنا دۆلەت ھەمكارلىقى، ئاسىيا-تىنچ ئوكيان رايونىنىڭ مۇقىملىقى ۋە تەرەققىياتى ياپونىيەدىن تارىخقا توغرا قاراش ۋە تارىخىي مەسئۇلىيەتنى ئۆز ئۈستىگە ئېلىشنى تەلەپ قىلىدۇ.

ماقالىنىڭ ئاخىرىدا مۇنداق دېيىلدى: ھەقىقىي قۇدرەتلىك دۆلەت ئۆزىنىڭ خاتالىقىنى باتۇرلۇق بىلەن ئېتىراپ قىلىدۇ.ئەپۇ سوراش ئارقىلىق شۇ يىلى زىيانكەشلىككە ئۇچرىغۇچىلارنىڭ ئەپۇ قىلىشىغا ئېرشەلمىسىمۇ، ھېچ بولمىغاندا ياپونىيە پايدا-مەنپەئەت ئۇسۇلىغا ئۇيغۇن بولۇپ، كەلگۈسىدە قوشنا دۆلەتلەر بىلەن بولغان ھەمكارلىققا پايدىلىق.