نۆۋەتتە بازارنىڭ دىققەت نۇقتىسى چارشەنبە كۈنىدىكى ئامېرىكا فېدېراتسىيە زاپاس پۇل كومىتېتى رەئىسى يېليېننىڭ گۇۋاھلىق سۆزى ھەمدە جۈمە كۈنى ئامېرىكا تەرەپ ئېلان قىلىدىغان غەيرى-يېزا ئىگىلىك ئىشقا ئورۇنلىشىش سانلىق مەلۇماتغا مەركەزلەشتى.

    11  -ئاينىڭ 2-كۈنى كونكرېت بازاردا، دوللار كۆرسەتكۈچى 97 دىكى ئۆتكەلنىڭ ئاستى تەرىپىدىكى تار دائىرىدە تەۋرەندى، جۇڭگو سانلىق مەلۇمات نەتىجىسىنىڭ ئاجىز چىقىشى ۋە ئامېرىكا سانلىق مەلۇمات نەتىجىسىنىڭ ناچار چىقىشى بازار كەيپىياتى يۈزلىنىشىنى مۆتىدىل ھالەتكە كەلتۈرۈپ قويدى. ياۋروپا مەركىزى بانكىسىنىڭ 12-ئايدا QE سىياسىتى كېڭەيتىش - كېڭەيتمەسلىكدە يەنىلا ئەندىشە مەۋجۇت، شۇ سەۋەبتىن ياۋرونى دوللارغا ئالماشتۇرۇش باھاسى 1.10 ئەتىراپىدا تەۋرەندى؛ تېخنىكا سىگنالىنىڭ يامانلىشىپ كېتىشى، شۇنىڭدەك ، مەبلەغ سالغۇچىلارنىڭ ئامېرىكا فېدېراتسىيە زاپاس پۇل كومىتېتىنىڭ يىل ئىچىدە ئۆسۈم قوشۇش ھەرىكىتىگە بولغان ئەندىشىسى سەۋەبىدىن نەق مال ئالتۇن باھاسى تۆت ھەپتە تۆۋەن نۇقتىدا تەۋرەندى؛ جۇڭگونىڭ ئاجىز سانلىق مەلۇماتى تەسىرىدە بازارنىڭ دۇنيادىكى ئىككىنچى چوڭ نېفىت ئىستېمال دۆلىتىنىڭ ئېھتىياج ئەھۋالىغا بولغان ئەندىشىسى كۈچەيدى، ئۇنىڭ ئۈستىگە روسىيە نېفىت مەھسۇلات مىقدارى تارىختا رېكورت ياراتتى، بۇنىڭ بىلەن نېفىت باھاسى بېسىمغا ئۇچراپ %1 تۆۋەنلىدى.