شىنجاڭنىڭ پايانسىز كەڭرى زېمىنىدا، پارتىيە، ھۆكۈمەت، ئارمىيە، كارخانا بىر گەۋدىلەشكەن بىر جاي بار، ئۇ بولسىمۇ شىنجاڭ ئىشلەپچىقىرىش، قۇرۇلۇش بىڭتۈەنى. 60 يىلدىن بۇيان، شىنجاڭ ئىشلەپچىقىرىش، قۇرۇلۇش بىڭتۈەنى ئىشلەپچىقىرىش ئەترىتى، خىزمەت ئەترىتى، كۆرەش ئەترىتىدىن تۇراقلاشتۇرغۇچ، يوغان پېچ، ئۈلگە كۆرسىتىش رايونىغا قاراپ تەرەققىي قىلىپ، تەڭرىتېغىنىڭ جەنۇب ۋە شىمالىدا جاراڭلىق كۈي ياڭراتتى.

يېزا ئىگىلىكتە پۈتۈن مەملىكەتكە ئۈلگە بولۇپ، چۆل-باياۋاندا يېڭى دۇنيا قۇرۇدى. 2013-يىلىنىڭ ئاخىرىغىچە، بىڭتۈەننىڭ ھەر تەرەپلىمە ماشىنىلاشتۇرۇش سەۋىيەسى %92 كە، يۇقىرى، يېڭى تېخنىكىلىق سۇ تېجەپ سۇغىرىش كۆلىمى %84.7 كە، زىرائەتنى زىچ ۋە يېرىم زىچ تېرىش كۆلىمى 12 مىليون مودىن كۆپرەككە، تۇپراقنى ئۆلچەملىك ئوغۇتلاش كۆلىمى 15 مىليون مودىن كۆپرەككە يېتىپ، پۈتۈن مەملىكەتنىڭ سۇغىرىشتا ئۈلگە كۆرسىتىش بازىسى، يېزا ئىگىلىكنى ماشىنىلاشتۇرۇشنى كېڭەيتىش بازىسى ۋە زامانىۋى يېزا ئىگىلىكتە ئۈلگە كۆرسىتىش بازىسىغا ئايلاندى.

سانائەتنى شىنجاڭنىڭ ئۇلتېشىغا ئايلاندۇرۇپ، تەڭرىتېغىنىڭ جەنۇب، شىمالىدا مۇھىم رول ئوينىدى. 60 يىلدىن بۇيان، بىڭتۈەنلىكلەر يېزا ئىگىلىكتىكى بايلىق ئەۋزەللىكىگە تايىنىپ، بەلگىلىك كۆلەم، بەلگىلىك تېخنىكا سەۋىيەسىگە ئىگە، تۈرلىرى بىر قەدەر مۇكەممەل بولغان يېمەكلىك سانائەت سىستېمىسى ۋە توقۇمىچىلىق سانائەت سىستېمىسىنى شەكىللەندۈردى. بۇنىڭ ئىچىدە، پەمىدۇر مەھسۇلاتلىرىنى ئىشلەپچىقىرىش كەسپىنىڭ تېخنىكا جابدۇقلىرى دۇنيادىكى ئىلغار سەۋىيەگە يېتىپ، پەمىدۇر قىيامى مەھسۇلاتى پۈتۈن مەملىكەتنىڭ %60.8 نى ئىگىلىدى.

شەھەر بىڭتۈەننىڭ بوز يەر ئۆزلەشتۈرۈشىگە يېڭى تۈس قوشۇپ، شەھەر قۇرۇپ، چېگرانى قوغداشنىڭ يېڭى ۋاسىتىسىگە ئايلاندى. 60 يىل بۇرۇن، بىڭتۈەن دۆلەتنىڭ ئىستراتېگىيەلىك ئورۇنلاشتۇرۇشىغا ئاساسەن، بوز يەر ئۆزلەشتۈرۈپ، چېگرانى قوغداش تەلىپىگە ئۇيغۇنلىشىپ، 8-دىۋىزىيەگە قاراشلىق شىخەنزە شەھىرىنى قۇرۇغان ئىدى، ئارقىدىن ئۆزگىچە ئالاھىدىلىككە ئىگە دىۋىزىيە بىلەن شەھەرنى بىرلەشتۈرۈپ باشقۇرۇش ئەندىزىسىنى تەدرىجىي شەكىللەندۈردى. بۈگۈنكى كۈندە، بىڭتۈەننىڭ 14 دىۋىزىيەسىدە يەتتە شەھەر، تۆت ئىشتاتلىق بازار قۇرۇلدى. ئىلگىرى پولك ئورمانلىقتا، ئۆيلەر باغ ئىچىدە، ئادەملەر مەنزىرە ئىچىدە، سەيلە-ساياھەت گۈللەر ئىچىدە بولۇشتەك تۇرالغۇ مۇھىتى-بىڭتۈەن ئىشچى-خىزمەتچىلىرىنىڭ ئارزۇسى ئىدى، بۈگۈنكى كۈندە بىڭتۈەندىكى ئىككى مىليون 700 مىڭ ئىشچى-خىزمەتچىنىڭ نۇرغۇنى مۇشۇنداق تۇرمۇش مۇھىتىغا ئېرىشتى.

60 يىلدىن بۇيان، شىنجاڭ ئىشلەپچىقىرىش، قۇرۇلۇش بىڭتۈەنىنىڭ جاپالىق ئىگىلىك تىكلىشى، بوران-چاپقۇندا مەزمۇت مېڭىشى ئارقىسىدا، بىڭتۈەنلىكلەرنىڭ «ئۆمرىمىزدە بىر ياخشى ئىش قىلىپ، ئۇزۇن مۇددەت شىنجاڭلىق بولىمىز» دېگەن قەتئىي ئىرادە ۋە ئىشەنچىسى باشتىن-ئاخىر ئۆزگەرمىدى.