12-ئاينىڭ 11-كۈنى كەچتە، ئىسپانىيە تەنتەربىيە كېسىم سوتى خان جەمەتى مادرىد كۇلۇبىنىڭ نارازىلىق ئەرزىنى رەت قىلغانلىقىنى ئېلان قىلدى. شۇنىڭ بىلەن خان جەمەتى مادرىد كوماندىسى بۇ پەسىللىك ئىسپانىيە شاھلىق لوڭقىسىدىن تولۇق خوشلاشتى. خان جەمەتى مادرىد كوماندىسى بۇ پەسىل پەقەت بىر مەيدان ئىسپانىيە شاھلىق لوڭقىسى مۇسابىقىسى ئوينىغان بولۇپ، گەرچە كوماندا غەلبە قىلغان بولسىمۇ، بىراق مۇسابىقىدىن چەكلەنگەن ماھىر چېرشىۋنى مەيدانغا چىقارغانلىقىنى ئۈچۈن بەلگىلىمىگە خىلاپلىق قىلغان دەپ ئىسپانىيە پۇتبولچىلار ئۇيۇشمىسى تەرىپىدىن شاھلىق لوڭقىسى ئويناش سالاھىيىتى ئېلىپ تاشلانغان. مۇسابىقىدىن كېيىن خان جەمەتى مادرىد كۇلۇبى ئىسپانىيە پۇتبولچىلار ئۇيۇشمىسىنىڭ چېرشىۋنى مۇسابىقىدىن چەكلەش ئۇقتۇرۇشىنى تاپشۇرىۋالمىغانلىقىنى بىلدۈرگەن بولسىمۇ، بىراق پۇتبولچىلار ئۇيۇشمىسى بۇنىڭدا خان جەمەتى مادرىد تەرەپنىڭ مەسئۇليىتى بار دەپ قاراپ ئاخىرقى قارارنى چىقارغان. ئارقىدىن خان جەمەتى مادرىد يۇقىرى قاتلىمى ئىسپانىيە تەتنتەربىيە كېسىم سوتىغا نارازىلىق ئەرز سۇنغان. تەنتەربىيە سوتى خان جەمەتى مادرىد كۇلۇبىنىڭ ئەرزىنى تاپشۇرىۋالغاندىن كېيىن قايتا تەكشۈرۈپ كۆرۈپ: چىقارغان ئىسپاتى يېتەرلىك ئەمەس، پۇت دەسسەپ تۇرالمايدۇ، ئەسلىدىكى ھۆكۈم كۈچكە ئىگە دەپ خان مادرىد تەرەپنىڭ ئەرزىنى رەت قىلغان.