جۇڭگو ئاخبارات تورى 5- مارت خەۋىرى: باغداش تورىدىن: ئابلىمىت تەرجىمىسى

سايلام رىقابەت ئىستىقبالىدىن ئۈمىد قالمىغاندىن كېيىن، داڭلىق قارا تەنلىك دوختۇر بىن.كاسىن 4- مارت ئامېرىكا زۇڭتۇڭ سايلىمىدىن چېكىنىپ چىققانلىقىنى جاكارلىدى. ئەلرايى تەكشۈرۈشىدە قوللاش نىسبىتى ئىزچىل ئەڭ ئالدىدا تۇرۇپ كەلگەن بۇ پىشىۋا دوختۇر 2016- يىللىق ئامېرىكا زۇڭتۇڭ سايلىمى ۋە جۇمھۇرىيەتچىلەر پارتىيىسى سايلىمىدىكى بىردىن-بىر ئافرىقىلىقلارنىڭ ئەۋلادى ئىدى.

كاسىن شۇ كۈنى ئامېرىكا كونسۇرۋاتىپلار سىياسى ھەرىكەت يىغىنىدا نوتۇق سۆزلىگەندە سايلامدىن چېكىنىپ چىقىشنى قارار قىلغانلىقىنى جاكارلىغان. ئۇ ئۆزىنىڭ ھېسابلاپ كۆرگەنلىكىنى، نۆۋەتتىكى سايلامدا يېڭىش ئۈچۈن ئېرىشىش كېرەك بولغان بېلەت سانى، ھەر قايسى شىتاتلاردىكى سايلام ئەھۋالى ۋە تەلىپنى تەتقىق قىلىپ كۆرۈپ، كەلگۈسىدە جۇمھۇرىيەتچىلەر پارتىيىسىنىڭ زۇڭتۇڭ نامزاتلىقىغىمۇ ئېرشەلمەيدىغانلىقىنى تونۇپ يەتكەنلىكىنى، شۇڭلاشقا داۋاملىق سايلامغا قاتناشقۇسى كەلمىگەنلىكىنى بىلدۈرگەن.