ئەنگىلىيە «قوغداش گېزىتى» بۈگۈن سەھەردە مۇنداق خەۋەر بەردى، «كېنتاكى»، تاللا بازارلىرىنى مال بىلەن تەمىنلەيدىغان، ئەنگىلىيەدىكى ئەڭ چوڭ ئۆي قۇشلىرى گۆشى ئىشلەپچىقىرىدىغان كارخانا يەنى ھەدە سىڭىللار يېمەكلىك گۇرۇھى پەيشەنبە كۈنى توخۇ گۆشى ئىشلەپچىقىرىدىغان كارخانىلاردىن ئۆزىنى تەكشۈرۈشنى جىددى تەلەپ قىلدى.
ئالدىنقى كۈنى، «قوغداش گېزىتى» مۇخبىرى مەزكۇر گۇرۇھقا تەۋە بىر توخۇ گۆشى ئىشلەپچىقىرىش زاۋۇتىغا بەش ئاي «ئىشپىيۇنلۇققا كىرگەن»، ھەمدە بۇ كارخانىدىكى توخۇ گۆشلىرىنىڭ ئىشلەپچىقىرىشتىن تارتىپ ئورىلىپ تەييار بولغانغا قەدەر گەندە بىلەن بۇلغىنىپ بولىدىغانلىقىدەك سىرىنى ئېچىۋەتكەن.

بۇ زاۋۇت سكېنسۇپقا جايلاشقان، بۇ زاۋۇت ئىشلەپچىقارغان توخۇ گۆشلىرى ئەنگىلىيەدىكى ئەڭ چوڭ زەنجىرسىمان تاللا بازىرى بولغان «تايگوۋ» نى تەمىنلەيدۇ، يەنە ئامېرىكىدىكى زەنجىرسىمان تېز تاماقخانىسى «كېنتاكى»، زەنجىرسىمان تاللا بازىرى سائېنسبورى قاتارلىقلارنى تەمىنلەيدۇ.

مۇخبىر تەكشۈرۈش داۋامىدا زاۋۇتنىڭ ئىشچىلاردىن يەرگە چۈشۈپ بۇلغىنىپ كەتكەن توخۇ گۆشلىرىنى تېرىپ ئېلىپ، ئىشلەپچىقىرىش لېنىيەسىگە قويۇشنى تەلەپ قىلغانلىقىنى كۆرگەن. بىر قېتىم، بىر ئۆلۈك توخۇ يەرگە چۈشۈپ كەتكەن، بىر ئىشچى بولسا قول ھارۋىسىنى ئىتتىرگىنىچە بۇ توخۇنى دەسسەپ ئۆتۈپ كەتكەن. باشقۇرغۇچى كېيىن بۇ توخۇنى تېرىپ ئېلىپ، ئىشلەپچىقىرىش لىنىيەسىگە قويغان، ئاندىن كىيىمى بىلەن قولىنى سۈرتكەن، بىراق قولىنى سۇ بىلەن يۇمىغان.


«قوغداش گېزىتى» دە مۇنداق دېيىلدى، قىززىتىپ يۇيۇش ئىدىشىدىكى سۇ بىر كۈندە پەقەت بىرلا قېتىم ئالماشتۇرۇلىدىكەن. بىر كۈن ئاخىرلاشقاندىن كېيىن بۇ ئىدىشتىكى سۇ توخۇ پوقى ۋە پاسكىنا پاتقاققا توشۇپ كېتىدىكەن. بىراق بۇ بولسا ئەنگىلىيەدىكى توخۇ گۆشى ئىشلەپچىقىرىدىغانلارنىڭ دائىملىق ئۇسۇلى ئىكەن.

«قوغداش گېزىتى» دە مۇنداق دېيىلدى، ئۆي قۇشلىرى گۆشى پىششىقلاپ ئىشلەيدىغان زاۋۇتلارنىڭ تازىلىققا سەل قارىشى سەۋەبلىك، ئەگرى باكتىرىيەنىڭ كۆپىيىشىگە يول قويغان. ئەنگىلىيەدە سېتىلىۋاتقان يېڭى توخۇ گۆشى ئىچىدە، ئۈچتىن ئىككىى قىسمى دەل مۇشۇ ئەگرى باكتىرىيە بىلەن يۇقۇملانغان.