يېقىندا شىۋېتسىيەلىك مۇتەخەسسىسلەر مۇنداق دېيىشتى: «شەقىقە (باشنىڭ يېرىمى ئاغرىش) نىڭ ئەڭ ئەشەددىي ‹دۈشمەن› ى يۈگۈرۈش، چۈنكى يۈگۈرۈش نېرۋا سىستېمىسىنى ئىنتايىن ئۈنۈملۈك تەڭشەيدۇ. ئەگەر شەقىقە بولۇپ قالغان ئادەم ھەپتىدە ئۈچ قېتىم 40 مىنۇتتىن چېنىقسا، بولۇپمۇ يۈگۈرۈپ بەرسە، ئۇنداقتا ئۈچ ئايدىن كېيىن، ئۇنىڭ كېسەللىك ئەھۋالى ياخشىلىنىپ كېتىدۇ».

     ئامېرىكىلىق نېرۋا كېسەللىكلىرى مۇتەخەسسىسلىرىمۇ داۋالاش ئەمەلىيىتىدىن چىقارغان يەكۈندە مۇنداق مەزمۇن بار: «بىز داۋالىغان، ئەمما دورىمۇ پايدا قىلمىغان 16 ئاغرىق ئالتە ئايدىن ئىككى يىلغىچە ئاستا يۈگۈرۈپ چېنىقىپ بەرگەندىن كېيىن، ئاخىر شەقىقە كېسىلىنى بويسۇندۇردى. ئۇلارنىڭ كېسەللىك ئەھۋالىدا ياخشىلىنىش بولۇپلا قالماستىن، يەنە دورا قۇتىسىنىڭ چەكلىمىسىدىن ئازاد بولدى».