مەركىزى بانكا ئورگان تور بېكىتىنىڭ ئۇچۇرىغا ئاساسلانغاندا، مەركىزى بانكا نەچچە كۈن ئىلگىرى ئومۇمىي ئۇقتۇرۇش چىقىرىپ، 2015- يىلى 12- ئاينىڭ 15- كۈنى تەبرىك كۆمۈش تەڭگىسى تارقىتىشنى قارار قىلغانلىقىنى بىلدۈرگەن بولۇپ، مەزكۇر خاتىرە تەڭگىنىڭ قىممىتى ئۈچ يۈەن، ئومۇمىي ئېغىرلىقى 8 گرام كېلىدىكەن، %99.99 لىك ساپ كۆمۈشتىن ياسىلىدىكەن، جۇڭخۇا خەلق جۇمھۇرىيىتىنىڭ قانۇنلۇق پۇلى بولۇپ ھېسابلىنىدىكەن.

     مەركىزى بانكىنىڭ بىلدۈرۈشىچە، مەزكۇر خاتىرە كۆمۈش پۇلنىڭ ئالدى يۈزىگە جۇڭگو خەلق جۇمھۇرىيىتىنىڭ دۆلەت گىرىبى، دۆلەت نامى، قۇرۇلغان ۋاقتى قاتارلىق مەزمۇنلار كىرگۈزۈلىدىكەن. كەينى يۈزىگە بەخت دېگەن خەت شەكلىگە يۇمىلاق ئىشىك، كېپىنەك، مودەنگۈل قاتارلىق زىننەت سۈرەتلىرى ماسلاشتۇرۇپ كىرىشتۈرۈلگەنكەن.

    مەزكۇر كۆمۈش خاتىرە تەڭگە ئادەتتىكى پۇل بولۇپ، شەكلى يۇملاق، ئېغىرلىقى 8 گرام، دىئامېتىرى 25 مىللىمېتىر، قىممىتى 3 يۈەن، ساپلىق دەرىجىسى %99.9، ئەڭ چوڭ تارقىتىلىش مىقدارى 1 مىليون 900 مىڭ دانە.